തിരുവനന്തപുരം: സോഷ്യൽ മീഡിയയിൽ കമന്റിട്ട പൊലീസുകാരന് സസ്പെന്ഷന്. പാങ്ങോട് പോലീസ് സ്റ്റേഷനിലെ സിവിൽ പോലീസ് ഓഫീസർ വൈശാഖൻ സതീശനെതിരെയാണ് തിരുവനന്തപുരം റൂറൽ പോലീസ് മേധാവി നടപടിയെടുത്തത്.
ഒരു മാധ്യമം നൽകിയ ‘വാമനപുരം ഇത്തവണ ആർക്കൊപ്പം’ എന്ന ഫേസ്ബുക്ക് പോസ്റ്റിന് താഴെയാണ് വൈശാഖൻ കമന്റിട്ടത്. വാമനപുരത്തെ എൽഡിഎഫ് സ്ഥാനാർത്ഥി ഡി.കെ മുരളി തന്നെ ഇത്തവണയും വിജയിക്കുമെന്നായിരുന്നു വൈശാഖന്റെ കമന്റ്.
ഇത് ശ്രദ്ധയിൽപ്പെട്ടതോടെയാണ് അന്വേഷണ വിധേയമായി സസ്പെൻഡ് ചെയ്യാൻ ഉത്തരവിട്ടത്. സർക്കാർ ഉദ്യോഗസ്ഥർ പാലിക്കേണ്ട പെരുമാറ്റച്ചട്ടങ്ങളുടെ ലംഘനമാണ് നടന്നതെന്ന് സസ്പെൻഷൻ ഉത്തരവിൽ പറയുന്നു.
സേനയ്ക്ക് അവമതിപ്പും കളങ്കവും ഉണ്ടാക്കിയെന്നും റൂറൽ എസ്.പി പുറപ്പെടുവിച്ച ഉത്തരവിൽ വ്യക്തമാക്കുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.