കോഴിക്കോട്: ശമ്പള പരിഷ്കരണം ഉൾപ്പെടെയുള്ള ആവശ്യങ്ങളിൽ മാനേജ്മെന്റുകളുമായി നടത്തിയ മധ്യസ്ഥ ചർച്ചകൾ പരാജയപ്പെട്ടതോടെ സംസ്ഥാനത്തെ സ്വകാര്യ ആശുപത്രി നഴ്സുമാർ വീണ്ടും അനിശ്ചിതകാല സമരത്തിലേക്ക്.
യുണൈറ്റഡ് നഴ്സസ് അസോസിയേഷൻ്റെ (യുഎൻഎ) നേതൃത്വത്തിൽ പ്രമുഖമായ 26 ആശുപത്രികളിലാണ് പണിമുടക്ക് ആരംഭിച്ചിരിക്കുന്നത്.
ഹൈക്കോടതി നിർദേശപ്രകാരം മുതിർന്ന അഭിഭാഷകൻ്റെ സാന്നിധ്യത്തിൽ നടന്ന ചർച്ചകളിൽ മിനിമം വേതനം 40,000 രൂപയാക്കുക, ഡ്യൂട്ടി ഷിഫ്റ്റിലെ അപാകതകൾ പരിഹരിക്കുക തുടങ്ങിയ ആവശ്യങ്ങളിൽ ധാരണയാകാത്തതാണ് സമരം പുനരാരംഭിക്കാൻ കാരണമായത്.
അതേസമയം, നഴ്സുമാരുടെ സമരം കർശനമായി നേരിടുമെന്ന നിലപാടിലാണ് മാനേജ്മെന്റ് അസോസിയേഷൻ.
സമരം തുടരുകയാണെങ്കിൽ ആശുപത്രികൾ അടച്ചിടുന്നത് അടക്കമുള്ള കടുത്ത തീരുമാനങ്ങളിലേക്ക് നീങ്ങുമെന്ന് അവർ പ്രഖ്യാപിച്ചു. കോഴിക്കോട് കളക്ടറേറ്റിന് മുന്നിൽ ഇന്ന് പ്രതിഷേധ സംഗമം നടത്തുന്നതോടെ സമരം കൂടുതൽ ശക്തമാക്കാനാണ് യുഎൻഎയുടെ തീരുമാനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.