ന്യൂഡല്ഹി: പശ്ചിമേഷ്യന് സംഘര്ഷം തുടരുമ്പോള്, എല്പിജി ക്ഷാമം രാജ്യത്ത് രൂക്ഷമാകുന്നതിനിടെ ഇന്ത്യയ്ക്ക് ആശ്വാസ വാര്ത്ത. ഹോര്മൂസ് കടലിടുക്കിലൂടെ രണ്ട് ഇന്ത്യന് എണ്ണ കപ്പലുകള്ക്ക് കടന്നുപോകാന് ഇറാന് അനുമതി നല്കി.
എന്നാല് ഹോര്മൂസ് കടലിടുക്കില് മറ്റ് അന്താരാഷ്ട്ര കപ്പലുകള്ക്ക് വിലക്ക് തുടരുമെന്ന് ഇറാന് അറിയിച്ചിട്ടുണ്ട്. അമേരിക്ക, ഇസ്രയേല്, അവരുടെ സഖ്യകക്ഷികള് തുടങ്ങിയ രാജ്യങ്ങളുമായി ബന്ധപ്പെട്ട കപ്പലുകള് തടയുമെന്ന് ഇറാന് വ്യക്തമാക്കിയിട്ടുണ്ട്. അതിനിടെയാണ്, സൗഹാര്ദ്ദം പുലര്ത്തുന്ന ഇന്ത്യയുടെ കപ്പലുകള് സുരക്ഷിതമായി കടന്നുപോകാന് ഇറാന് അനുവദിച്ചത്
പശ്ചിമേഷ്യന് സംഘര്ഷം തുടരുന്നതിനിടെ ഇന്ത്യന് വിദേശകാര്യമന്ത്രി എസ് ജയ്ശങ്കര് കഴിഞ്ഞദിവസം ഇറാന് വിദേശകാര്യമന്ത്രി അബ്ബാസ് അരാഗ്ചിയുമായി ടെലഫോണില് ചര്ച്ച നടത്തിയിരുന്നു. എണ്ണ പ്രതിസന്ധി അടക്കം ചര്ച്ചയായതായാണ് വിവരം. നയതന്ത്ര തലത്തില് തുടര്ന്നും ചര്ച്ച തുടരുമെന്ന് എസ് ജയ്ശങ്കര് വ്യക്തമാക്കിയിരുന്നു.
എല്പിജി വിതരണം നിരീക്ഷിക്കാന് സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും ചീഫ് സെക്രട്ടറിമാര്ക്ക് കേന്ദ്രസര്ക്കാര് നിര്ദേശം നൽകിയിട്ടുണ്ട്. എല്പിജി പ്രതിസന്ധിയുമായി ബന്ധപ്പെട്ട റിപ്പോര്ട്ടുകള്ക്കിടെയാണ്, കേന്ദ്ര ആഭ്യന്തര സെക്രട്ടറി ഗോവിന്ദ് മോഹന് സംസ്ഥാനങ്ങള്ക്ക് നിര്ദേശം നല്കിയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.