ന്യൂഡൽഹി: പശ്ചിമേഷ്യൻ യുദ്ധ സാഹചര്യത്തില് രാജ്യത്തെ ഹോട്ടലുകളിലെ എല് പി ജി ഗ്യാസ് സിലിണ്ടർ പ്രതിസന്ധിയില് പരിഹാരം നിർദ്ദേശിച്ച് കേന്ദ്ര പെട്രോളിയം മന്ത്രാലയം.
കരിഞ്ചന്തയില് ഒരു സിലിണ്ടറിന്റെ വില അയ്യായിരം രൂപയിലേക്ക് ഉയർന്നതോടെ പല ഹോട്ടലുകളും വിറകടുപ്പിലേക്ക് മാറിക്കഴിഞ്ഞു. കല്ക്കരി, മണ്ണെണ്ണ എന്നിവ ഉപയോഗിക്കാൻ അനുമതി നല്കിയതിലൂടെ ഹോട്ടല് പ്രശ്നത്തില് ആശ്വാസം ലഭിക്കുമെന്നാണ് പെട്രോളിയം മന്ത്രാലയത്തിന്റെ പ്രതീക്ഷ.
എല് പി ജി ബുക്കിംഗിന് 45 ദിവസത്തെ ഇടവേള
അതേസമയം പാചക വാതക വിതരണത്തിന്റെ കാര്യത്തില് പരിഭ്രാന്തിയുടെ ആവശ്യമില്ലെന്നും തെറ്റായ കാര്യങ്ങള് പ്രചരിപ്പിക്കരുതെന്നും പെട്രോളിയം മന്ത്രാലയം ആവശ്യപ്പെട്ടു. ഗാര്ഹിക ആവശ്യത്തിനുള്ള എല് പി ജി ആവശ്യത്തിന് സ്റ്റോക്കുണ്ടെന്നും അനാവശ്യമായി പാനിക് ബുക്കിങ് നടത്തരുതെന്നും മന്ത്രാലയം അറിയിച്ചു
. എല് പി ജി ക്ഷാമം ഉണ്ടെന്ന നിലയില് തെറ്റായകാര്യങ്ങള് പ്രചരിപ്പിക്കരുതെന്ന് കേന്ദ്ര വാര്ത്താവിതരണ മന്ത്രാലയവും വാര്ത്താസമ്മേളനത്തില് പറഞ്ഞു. ടി വി ചാനലുകള് അടക്കം ഇക്കാര്യം പരിശോധിക്കണം. പ്രശ്നം ഉണ്ടെന്ന രീതിയില് ഒരേ രീതിയിലുള്ള ദൃശ്യങ്ങള് ദിവസം മുഴുവൻ കാണിക്കരുതെന്നും പലയിടത്തും പ്രശ്നം പരിഹരിച്ചിട്ടും അതേ ദൃശ്യങ്ങള് ചാനലുകള് കാണിക്കുന്നുവെന്നും ഈ വിഷയത്തില് വ്യക്തത നല്കണമെന്നും കേന്ദ്ര വാര്ത്താവിതരണ മന്ത്രാലയം ആവശ്യപ്പെട്ടു.
ചെറിയ നിയന്ത്രണങ്ങള് നടത്തിയത് വലിയ പ്രതിസന്ധി ഒഴിവാക്കാനാണ് ചെറിയ നിയന്ത്രണങ്ങള് ബുക്കിങില് വരുത്തിയത്. ഗ്രാമീണ മേഖലയില് ഗ്യാസ് സിലിണ്ടര് ബുക്ക് ചെയ്യുന്നതിനുള്ള ഇടവേള 45 ദിവസമാക്കിയിട്ടുണ്ടെന്നും കേന്ദ്രം അറിയിച്ചു. 50 ലക്ഷം സിലിണ്ടറുകള് ദിവസേന വിതരണം ചെയ്യുന്നുണ്ട്. പരിഭ്രാന്തി പരത്തുന്ന വാര്ത്തകള് പ്രചരിപ്പിക്കരുതെന്നും കേന്ദ്രം അഭ്യര്ത്ഥിച്ചു.
കേരളത്തില് മുൻഗണന ക്രമവും മോണിറ്ററിംഗ് കമ്മറ്റിയും
പശ്ചിമേഷ്യൻ യുദ്ധത്തിന്റെ പശ്ചാത്തലത്തില് ഉടലെടുത്ത പാചക വാതക ക്ഷാമം പരിഹരിക്കാൻ സുപ്രധാന തീരുമാനങ്ങളെടുത്ത് സംസ്ഥാന സർക്കാർ. ഗാർഹികേതര ആവശ്യങ്ങള്ക്കുള്ള എല് പി ജി ക്ഷാമം നേരിടാൻ ഗ്യാസ് സിലിണ്ടർ വിതരണത്തില് മുൻഗണന ക്രമം നിശ്ചയിക്കാനും കരിഞ്ചന്തയും പൂഴ്ത്തിവെയ്പ്പും തടയാൻ എൻഫോഴ്സ്മെന്റ് സംഘം രൂപീകരിക്കാനും മുഖ്യമന്ത്രിയുടെ നേതൃത്വത്തില് ചേർന്ന ഉന്നതതല യോഗം തീരുമാനിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.