ഡല്ഹി: അതിവേഗ റെയില് പദ്ധതിയില് ഇ. ശ്രീധരനെ പിന്തുണച്ച് റെയില്വേ മന്ത്രി അശ്വിനി വൈഷ്ണവ്. കേരളത്തിലെ വികസന പദ്ധതികള്ക്ക് സംസ്ഥാന സർക്കാരും പ്രതിപക്ഷവും ഒരുപോലെ തടസം നില്ക്കുകയാണെന്നും കേന്ദ്ര റെയില്വേ മന്ത്രി അശ്വിനി വൈഷ്ണവ് രാജ്യസഭയില് പറഞ്ഞു.
കേന്ദ്ര ബജറ്റില് പ്രഖ്യാപിച്ച അതിവേഗ റെയില് ഇടനാഴികളില് നിന്ന് കേരളത്തെ പൂർണമായും അവഗണിച്ചുവെന്നായിരുന്നു സിപിഎം നേതാവ് ജോണ് ബ്രിട്ടാസിന്റെ പ്രധാന പരാതി. കേരളത്തിന് ലഭിക്കേണ്ട അർഹമായ പരിഗണന റെയില്വേ ബജറ്റില് ലഭിച്ചില്ലെന്നും അദ്ദേഹം സഭയില് ചൂണ്ടിക്കാട്ടി.
കമ്മ്യൂണിസ്റ്റ് പാർട്ടിയും കോണ്ഗ്രസും ഒത്തുചേർന്ന 'സിസിപി' സഖ്യമാണ് കേരളത്തിലെ വികസനം തടയുന്നത്. വികസന പദ്ധതികള്ക്ക് ആവശ്യമായ ഫണ്ട് കേന്ദ്രം നല്കിയിട്ടും ഭൂമി ഏറ്റെടുക്കുന്ന കാര്യത്തില് സംസ്ഥാന സർക്കാർ സഹകരിക്കുന്നില്ലെന്ന് അദ്ദേഹം കുറ്റപ്പെടുത്തി.
ഇ. ശ്രീധരന്റെ റിപ്പോർട്ട് ഉദ്ധരിച്ചുകൊണ്ട്, റെയില്വേ മേഖലയില് സംസ്ഥാന സർക്കാരിന് പ്രായോഗികമായ അറിവില്ലെന്ന് മന്ത്രി പരിഹസിച്ചു. കേരളത്തില് നിർദ്ദേശിക്കപ്പെട്ടിട്ടുള്ള എലിവേറ്റഡ് റെയില് പാതയ്ക്ക് ഏകദേശം 54,000 കോടി രൂപ ചെലവ് വരുമെന്നാണ് ഇ. ശ്രീധരന്റെ കണക്കുകൂട്ടല്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.