നോർത്ത് പറവൂർ : മുനമ്പത്തെ 404.76 ഏക്കർ ഭൂമി വഖഫ് അല്ലെന്ന വാദം വസ്തുതകളെ മറച്ചുവെച്ച് കാസ പോലുള്ള വർഗീയ സംഘങ്ങളുടെ നാവാവുകയാണ് വി.ഡി.സതീശനെന്ന് എസ്ഡിപിഐ സംസ്ഥാന സെക്രട്ടറി അൻസാരി ഏനാത്ത് പറഞ്ഞു.
2009-ൽ അച്ചുതാനന്ദൻ സർക്കാർ രേഖകളുടെ അടിസ്ഥാനത്തിൽ ഇത് വഖഫ് ഭൂമിയാണെന്ന് അംഗീകരിച്ചിരുന്നു. ഇതിനെ ജസ്റ്റിസ് സി എൻ രാമചന്ദ്രനെ കമ്മീഷനാക്കി പിണറായി സർക്കാർ ആട്ടിമറിക്കാൻ ശ്രമിക്കുകയാണ്.ഈ നിലപാടിന്നേറ്റ കനത്ത തിരിച്ചടിയാണ് സുപ്രീം കോടതി വിധിയെന്നും അദ്ദേഹം പറഞ്ഞു.
മുന്നണികളുടെ ഇത്തരം ധ്രുവീകരണ രാഷ്ട്രീയത്തിനെതിരെ കേരളത്തിൽ പാർട്ടി തനിച്ചു മത്സരിക്കുമെന്നും സംഘപരിവാറിന്റെ സംസ്ഥാനത്തിലെ ഇടപെടലുകളെ
നിസ്സാരവൽക്കരിക്കുന്ന ഇടതു വലതു മുന്നണികളുടെ നിലപാടുകൾക്ക് ഭാവിയിൽ വലിയ വില നൽകേണ്ടി വരുമെന്നും അദ്ദേഹം സൂചിപ്പിച്ചു.
മണ്ഡലം പ്രസിഡൻ്റ് സിയാദ് സി എസ് അദ്ധ്യക്ഷത വഹിച്ചു. സംസ്ഥാന സമിതി അംഗം വി.എം. ഫൈസൽ, ജില്ലാ വൈസ് പ്രസിഡൻ്റ് സുധീർ ഏലൂക്കര , വിമൻ ഇന്ത്യ മൂവ്മെൻ്റ് പറവൂർ മണ്ഡലം പ്രസിഡൻ്റ് ഫിദ സിയാദ് എന്നിവർ സംസാരിച്ചു.
മണ്ഡലം സെക്രട്ടറി സുധീർ അത്താണി സ്വാഗതവും വൈസ് പ്രസിഡൻ്റ് നിസാർ അഹമ്മദ് നന്ദിയും പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.