സുഭിക്ഷ ഭക്ഷണം, സുരക്ഷിത ഭക്ഷണം, സംതൃപ്ത കര്ഷകര് എന്ന ആപ്തവാക്യം ഉള്ക്കൊണ്ടുകൊണ്ട് മൂന്നാമത് രാമപുരം ഫെസ്റ്റ് ഫെബ്രുവരി 27 മുതൽ മാർച്ച് 1 വരെ രാമപുരം ഫൊറോനാപ്പള്ളി മൈതാനിയിൽ.
ഫെബ്രുവരി 27ന് രാവിലെ 9ന് വിവിധ പ്രദർശനങ്ങൾ ആരംഭിക്കും. വൈകുന്നേരം നടക്കുന്ന ഉദ്ഘാടന സമ്മേളനത്തോടെ ഫെസ്റ്റിന് ഔദ്യോഗിക തുടക്കമാകും. ഉദ്ഘാടന സമ്മേളനത്തിൽ രാഷ്ട്രീയ, സാമൂഹിക, സാംസ്കാരിക രംഗങ്ങളിലെ പ്രമുഖരും മതമേലധ്യക്ഷന്മാരും പങ്കെടുക്കും. മൂന്ന് ദിവസങ്ങളിലായി കാർഷിക പ്രദർശനം, കാർഷിക സെമിനാറുകൾ, ഫ്ളവർ ഷോ, ഭക്ഷ്യമേള, വിവിധ സ്ഥാപനങ്ങളുടെയും വ്യക്തികളുടെയും സ്റ്റാളുകൾ,
പുരാവസ്തു-നാണയ പ്രദർശനം, കുതിരസവാരി, ഒട്ടകസവാരി, സൗത്ത് ഇന്ത്യയിലെ ഏറ്റവും വലിയ 2000 കിലോ തൂക്കം വരുന്ന ‘കമാന്റോ’ എന്ന പോത്തിന്റെ പ്രദർശനം, റോബോട്ടിക് പ്രദർശനം എന്നിവ നടക്കും. കുട്ടികൾക്കായി വിവിധ വിനോദ-വിജ്ഞാനപരമായ പ്രവർത്തനങ്ങളും പ്രത്യേകമായി ഒരുക്കിയിട്ടുണ്ട്. എല്ലാ ദിവസവും വൈകുന്നേരങ്ങളിൽ കലാസന്ധ്യകളും അരങ്ങേറും.
കുടുംബസമേതം എത്തി ആസ്വദിക്കാവുന്ന സമഗ്രമായ മേളയായിരിക്കും രാമപുരം ഫെസ്റ്റ്. കാർഷിക മേഖലയിലെ പുതുമകളും സാങ്കേതിക വിദ്യകളും പരിചയപ്പെടുത്തുന്ന പ്രദർശനങ്ങൾ കർഷകർക്കും വിദ്യാർത്ഥികൾക്കും ഏറെ പ്രയോജനകരമാകും. ഫ്ളവർ ഷോ, പെറ്റ് ഷോ, പുരാവസ്തു-നാണയ പ്രദർശനം, ഭക്ഷ്യമേള എന്നിവ സന്ദർശകർക്കു വ്യത്യസ്തമായ അനുഭവം സമ്മാനിക്കും.
വിവിധ കമ്മിറ്റികൾ കെ. കെ. ജോസ് കരിപ്പാക്കുടിയിൽ, സിബി തോമസ് കോയിപ്പിള്ളിൽ, ഷാജി ആറ്റുപുറം, മനോജ് ചീങ്കല്ലേൽ, ബിജു കുന്നേൽ, ടോം തോമസ് പുളിക്കച്ചാലിൽ, ബേബി പന്തപ്പിള്ളിൽ, ആലീസ് ജോർജ്ജ്, സഞ്ജു നെടുംകുന്നേല്, സിബി തോമസ് കുന്നേല്, ബിനോയി ഊടുപുഴ, എം. കെ. കുര്യാക്കോസ് മാണിവേലിൽ, മനോജ് പണിക്കർ, വിശ്വന് രാമപുരം, അരുണ് കുളക്കാട്ടോലിക്കല് എന്നിവരുടെ നേതൃത്വത്തിലാണ് പ്രവർത്തിക്കുന്നത്. പാലാ സോഷ്യൽ വെൽഫെയർ സൊസൈറ്റി സോണൽ ഡയറക്ടർ റവ. ഫാ. അഖിൽ കുഴിമുള്ളിൽ ഫെസ്റ്റിന് നേതൃത്വം നൽകും.
രാമപുരം ഫൊറോനാപ്പള്ളി മീഡിയ റൂമിൽ നടന്ന വാർത്താസമ്മേളനത്തിൽ രാമപുരം ഫൊറോനാപ്പള്ളി വികാരി റവ. ഫാ. ബർക്ക്മാൻസ് കുന്നുംപുറം, റവ. ഫാ. അഖിൽ കുഴിമുള്ളിൽ, ബിനു മാണിമംഗലം എന്നിവർ പങ്കെടുത്തു. സമൂഹത്തിലെ എല്ലാ വിഭാഗങ്ങളും സജീവമായി പങ്കാളികളായി രാമപുരം ഫെസ്റ്റ് വിജയകരമാക്കണമെന്ന് സംഘാടകർ അഭ്യർത്ഥിച്ചു. കൂടുതൽ വിവരങ്ങൾക്കും സ്റ്റാൾ ബുക്കിങ്ങിനും 80754 75164
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.