പാലാ:പരാതി നൽകാൻ എത്തുന്ന യുവതികളുടയും വീട്ടമ്മ മാരുടെയും സ്വകാര്യ ഫോൺ നമ്പർ കൈവശപ്പെടുത്തി രാത്രികാലങ്ങളിൽ കരുതലിന്റെയും കൈത്താങ്ങിന്റെയും സന്ദേശങ്ങൾ വാട്സാപ്പിലൂടെ അയക്കുന്നു എന്ന പരാതിയെ തുടർന്ന് അന്വേഷണ വിധേയമായി സംസ്ഥാനത്ത് സസ്പെൻഷനിലായ പോലീസ് ഉദ്യോഗസ്ഥരുടെ എണ്ണം കേട്ടാൽ മൂക്കത്ത് വിരൽ വെയ്ക്കും..!
മുൻപ് പാലാ പോലീസ് സ്റ്റേഷനിൽ കുടുംബ പ്രശ്നത്തിന് പരിഹാരം കാണാൻ പരാതിയുമായി എത്തിയ യുവതിക്ക് സമാന രീതിയിൽ വാട്സാപ്പിൽ കരുതലും കൈത്താങ്ങുമായി വന്ന പോലീസുകാരൻ അയച്ച സന്ദേശങ്ങൾ കുടുംബാഗങ്ങളെ കാണിച്ചശേഷം നമ്പർ ബ്ലോക്ക് ചെയ്യേണ്ടി വന്ന അനുഭവവും ഉണ്ട്. (അയച്ച മെസ്സേജുകൾ ഇപ്പോഴും ഇവരുടെ കയ്യിലുണ്ട്)..മാത്രമല്ല, വാഹന പരിശോധനക്ക് പോകുന്ന ചില പോലീസുകാർക്ക് കാറിലും സ്കൂട്ടറിലുമായി ഒറ്റയ്ക്ക് വരുന്ന സ്ത്രീകളുടെ കുടുംബ കാര്യങ്ങൾ വരെ അറിയണം.. ഭർത്താവ് ഉണ്ടോ..? എവിടയാണ് ജോലി..എന്നും ഇതുവഴിയാണോ വരുന്നത്.. തിരികെ പോകുന്നത് എപ്പോൾ..? ഫോൺ നമ്പർ തരുമോ എന്നൊക്കെയാണ് വാഹന പരിശോധനയിൽ ആവശ്യപ്പെടുന്നതും അറിയേണ്ടതും, ഇന്ന് രാവിലെയും ജോലിക്ക് കയറാനുള്ള തിരക്കിനിടയിൽ പോകുന്ന വഴി കൈകാണിച്ചു നിർത്തി വാഹന പരിശോധന നടത്താതെ വിവാഹം കഴിഞ്ഞൊ ഭർത്താവ് നാട്ടിൽ ഉണ്ടോ..എന്നുള്ള ചോദ്യവും, ഒലിപ്പീര് സംസാരവും നോട്ടവും കൊണ്ട് ഏറെ ബുദ്ധിമുട്ടും മാനസിക പ്രയാസവും ഉണ്ടായതായി മറ്റൊരു യുവതികൂടി പരാതി പറഞ്ഞു..!
പാലായിൽ നടന്ന ഒന്നിലധികം കൊലപാതകങ്ങളിലെ പ്രതികളെ പിടികൂടുകയും മറ്റ് നിരവധിയായ കുറ്റകൃത്യങ്ങൾ തടയുകയും സംസ്ഥാന തലത്തിൽ പോലീസ് സേനയ്ക്ക് അഭിമാനിക്കാവുന്ന നിരവധി നേട്ടങ്ങൾ കൈവരിച്ച പാലാ പോലീസിനെ നാണം കെടുത്തുന്ന പ്രവർത്തികളാണ് ചില പോലീസുകാരുടെ ഭാഗത്തുനിന്ന് ഉണ്ടാകുന്നത്.. ജനങ്ങളുടെ സ്വത്തും സൈര്യ ജീവിതവും ഉറപ്പ് വരുത്തേണ്ടവർ തന്നെ സ്ത്രീകളെ ബുദ്ധിമുട്ടിക്കാൻ ഇറങ്ങിയാൽ തെളിവടക്കം ഉന്നത പോലീസ് ഉദ്യോഗസ്ഥരെ സമീപിക്കുമെന്നും യുവതികൾ പറഞ്ഞു..!
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.