ന്യൂറി: വടക്കന്‍ അയര്‍ലണ്ടിലെ ന്യൂറിയില്‍ താമസിച്ചിരുന്ന മലയാളി നഴ്‌സ് കൃഷ്ണകുമാര്‍ (37) അന്തരിച്ചു.
2021ല് കൃഷ്ണകുമാര്‍ ന്യൂറിയിലെ ഡെയ്‌സി ഹില്‍ ഹോസ്പിറ്റലില്‍ ജോലിയില്‍ പ്രവേശിച്ചത്. ചുരുങ്ങിയ കാലയളവിനുള്ളില്‍ തന്നെ തന്റെ കരുണയും, സമര്‍പ്പണബോധവും വഴി സഹപ്രവര്‍ത്തകരുടെയും രോഗികളുടെയും സ്‌നേഹം പിടിച്ചുപറ്റാന്‍ അദ്ദേഹത്തിന് സാധിച്ചു. ജോലിയില്‍ സജീവമായിരിക്കെയാണ് കാന്‍സര്‍ ബാധിക്കുന്നത്. തുടര്‍ന്ന് ശസ്ത്രക്രിയയ്ക്കും കഠിനമായ ചികിത്സകള്‍ക്കും വിധേയനായെങ്കിലും രോഗം ഗുരുതരമാവുകയായിരുന്നു. ചികിത്സയുടെ ഭാഗമായി കഴിഞ്ഞ വര്‍ഷം അദ്ദേഹം നാട്ടിലെത്തി മടങ്ങിയിരുന്നു..
ന്യൂറിയിലെ മലയാളി സമൂഹത്തിലും കൂട്ടായ്മകളിലും സജീവമായിരുന്ന കൃഷ്ണകുമാര്‍, ഏവരേയും പുഞ്ചിരിയോടെ പ്രോത്സാഹിപ്പിച്ചിരുന്ന വ്യക്തിത്വമായിരുന്നു. അദ്ദേഹത്തിന്റെ അകാല വിയോഗം അയര്‍ലണ്ടിലെ പ്രവാസി മലയാളി സമൂഹത്തെ ഒന്നടങ്കം ദുഃഖത്തിലാഴ്ത്തിയിരിക്കുകയാണ്. അയര്‍ലണ്ടില്‍ നഴ്‌സായി ജോലി ചെയ്യുന്ന വര്‍ഷയാണ് ഭാര്യ. ഏക മകന്‍ 6 വയസ്സുകാരനായ റാം കൃഷ്ണകുമാര്‍.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.