ഇന്ത്യൻ കുടിയേറ്റക്കാർ രാജ്യത്ത് താമസിക്കുന്നത് ശരാശരി ഓസ്‌ട്രേലിയക്കാർക്ക് ഇഷ്ടമല്ലെന്ന് തീവ്ര വലതുപക്ഷ നേതാവ്

മെൽബൺ:  ഓസ്‌ട്രേലിയയിലെ തീവ്ര വലതുപക്ഷ നേതാവും നവ-നാസി ആക്ടിവിസ്റ്റുമായി വ്യാപകമായി അറിയപ്പെടുന്നതുമായ തോമസ് സെവെൽ, ഒരു ടെലിവിഷൻ അഭിമുഖത്തിനിടെ "ഓസ്‌ട്രേലിയ ഇന്ത്യയായി മാറാൻ ആഗ്രഹിക്കുന്നില്ല" എന്ന്  പറഞ്ഞതിനെതിരെ പൊതു ജനങ്ങളിൽ പ്രതിഷേധം ഉയർന്നു.

ആയിരക്കണക്കിന് അല്ലെങ്കിൽ ദശലക്ഷക്കണക്കിന് അനധികൃത ഇന്ത്യൻ കുടിയേറ്റക്കാർ രാജ്യത്ത് താമസിക്കുന്നത് ശരാശരി ഓസ്‌ട്രേലിയക്കാർക്ക് ഇഷ്ടമല്ലെന്ന് ഞാൻ കരുതുന്നു. അതിനെതിരെയാണ് ഞങ്ങൾ പ്രതിഷേധിച്ചത്,” അദ്ദേഹം പറഞ്ഞു.

 ( അനധികൃത ഇന്ത്യക്കാർ ഇവിടെ ഉണ്ട് എന്ന് ഒരു ഗവണ്മെന്റ് ഏജൻസികളും ഇതുവരെ പറഞ്ഞിട്ടില്ല )

ഓസ്‌ട്രേലിയ ഒരു മൂന്നാം ലോക രാജ്യമായി മാറാൻ ഞങ്ങൾ ആഗ്രഹിക്കുന്നില്ല, അത് ഇന്ത്യയായി മാറാൻ ഞങ്ങൾ ആഗ്രഹിക്കുന്നില്ല, അത് സുഡാനായി മാറാൻ ഞങ്ങൾ ആഗ്രഹിക്കുന്നില്ല,” അദ്ദേഹം പറഞ്ഞു.

2024-ൽ ഓസ്‌ട്രേലിയയിൽ നടന്ന അഭയാർത്ഥി വിരുദ്ധ റാലിയിൽ സെവെൽ ഉണ്ടാക്കിയ നിയമപ്രശ്നങ്ങൾക്ക് വിചാരണ നേരിടുന്നതിനിടെയാണ് കോടതിമുറിക്ക് പുറത്ത് ചിത്രീകരിച്ച ഇന്റർവ്യൂവിൽ ഈ പരാമർശങ്ങൾ വന്നത്.

സ്ഥിര താമസം(PR) തേടുന്ന കുടിയേറ്റക്കാരെ അദ്ദേഹം എതിർത്തു. അഭിമുഖത്തിൽ, ജനസംഖ്യാപരമായ മാറ്റം വെള്ളക്കാരായ ഓസ്‌ട്രേലിയക്കാരെ ഭീഷണിപ്പെടുത്തുന്നുവെന്നും ഇന്ത്യക്കാരും മറ്റ് വെള്ളക്കാരല്ലാത്ത കുടിയേറ്റക്കാരും  ഓസ്ട്രേലിയയിൽ അനാവശ്യരാണെന്ന് ഇയ്യാൾ വാദിച്ചു.

സമൂഹ സുരക്ഷയ്ക്ക് ഭീഷണിയല്ലെന്ന് കണ്ടെത്തിയതിനെത്തുടർന്ന്  തോമസ് സെവെലിന് ജാമ്യം ലഭിച്ചു. മെൽബണിലെ ഒരു ഫസ്റ്റ് നേഷൻസ് ക്യാമ്പിന് നേരെയുണ്ടായ ആക്രമണവുമായി ബന്ധപ്പെട്ട് അക്രമാസക്തമായ ക്രമക്കേടും കലാപവും ഉൾപ്പെടെ നിരവധി കുറ്റങ്ങൾ അദ്ദേഹം നേരിടുന്നുണ്ട്. സെവെല്ലിന്റെ ഗ്രൂപ്പായ നാഷണൽ സോഷ്യലിസ്റ്റ് നെറ്റ്‌വർക്കിന് വിദ്വേഷ കുറ്റകൃത്യങ്ങളുടെയും അക്രമ പ്രവർത്തനങ്ങളുടെയും ചരിത്രമുണ്ട്.

ഇയ്യാളുടെ തീവ്ര വലതുപക്ഷ വാദങ്ങൾക്കെതിരെ വലിയ പ്രതിഷേദം ഉയരുന്നുണ്ട്. ഓസ്ട്രേലിയയയുടെ മഹത്തായ പാരമ്പര്യങ്ങൾക്കും കാഴ്ചപാടുകൾക്കും എതിരാണ് ഇങ്ങനെയുള്ള നിലപാടുകൾ എന്ന് സമൂഹ മാധ്യമങ്ങളിൽ വിമർശനം ഉയരുന്നു.