ഇന്ത്യൻ നാവികസേനയുടെ നിശബ്ദമായ വേട്ടക്കാരന്‍

ഇന്ത്യൻ നാവികസേനയുടെ നിശബ്ദമായ വേട്ടക്കാരന്‍, ഭാരതത്തിന്റെ സമുദ്രതീരങ്ങളിൽ ശത്രുവിന്റെ ഒരു നിഴൽ പോലും ഇനി അറിയാതെ പതിക്കില്ല.

ഇന്ത്യൻ നാവികസേനയുടെ കരുത്ത് വർദ്ധിപ്പിക്കുന്നതിനായി തദ്ദേശീയമായി നിർമ്മിച്ച എട്ട് 'ആന്റി സബ്മറൈൻ വാർഫെയർ ഷാലോ വാട്ടർ ക്രാഫ്റ്റുകളിൽ' (ASW SWC) ആദ്യത്തേതാണ് ഐഎൻഎസ് അർനാല. 

മഹാരാഷ്ട്രയിലെ വാസായിയിലുള്ള ചരിത്രപ്രസിദ്ധമായ 'അർനാല കോട്ടയുടെ' സ്മരണാർത്ഥമാണ് കപ്പലിന് ഈ പേര് നൽകിയത്.

പ്രധാന സവിശേഷതകൾ:

കൊൽക്കത്ത ആസ്ഥാനമായുള്ള ഗാർഡൻ റീച്ച് ഷിപ്പ് ബിൽഡേഴ്സ് & എൻജിനീയേഴ്സ് (GRSE) ആണ് ഈ കപ്പൽ നിർമ്മിച്ചത്. ഇതിൽ 80 ശതമാനത്തിലധികം തദ്ദേശീയമായ വസ്തുക്കളാണ് ഉപയോഗിച്ചിരിക്കുന്നത്.

2025 ജൂൺ 18-ന് വിശാഖപട്ടണത്തെ നേവൽ ഡോക്ക്‌യാർഡിൽ നടന്ന ചടങ്ങിൽ ചീഫ് ഓഫ് ഡിഫൻസ് സ്റ്റാഫ് ജനറൽ അനിൽ ചൗഹാൻ ഇത് ഔദ്യോഗികമായി കമ്മീഷൻ ചെയ്തു. 'അർണവേ ശൗര്യം' (കടലിലെ പരാക്രമം) എന്നതാണ് കപ്പലിന്റെ ആദർശവാക്യം.

പ്രധാന ദൗത്യങ്ങൾ: തീരപ്രദേശങ്ങളിലെ അന്തർവാഹിനികളെ കണ്ടെത്തുക, കടലിലെ നിരീക്ഷണങ്ങൾ നടത്തുക, രക്ഷാപ്രവർത്തനങ്ങൾ ഏകോപിപ്പിക്കുക എന്നിവയാണ് ഇതിന്റെ പ്രധാന ദൗത്യങ്ങൾ.

77 മീറ്റർ നീളമുള്ള ഈ കപ്പൽ, വാട്ടർജെറ്റ് പ്രൊപ്പൽഷൻ (Waterjet propulsion) സാങ്കേതികവിദ്യയിൽ പ്രവർത്തിക്കുന്ന ഇന്ത്യൻ നാവികസേനയിലെ ഏറ്റവും വലിയ യുദ്ധക്കപ്പലുകളിൽ ഒന്നാണ്.

ആഴം കുറഞ്ഞ കടൽഭാഗങ്ങളിൽ ഒളിച്ചിരിക്കുന്ന ശത്രു മുങ്ങിക്കപ്പലുകളെ കണ്ടെത്തുക എന്നത് നാവികസേനയെ സംബന്ധിച്ച് ഇനി കൂടുതല്‍ എളുപ്പം ആകും.

അത്യാധുനിക ജലാന്തർഗ്ഗ, സെൻസറുകൾ, സോണാർ സംവിധാനങ്ങൾ എന്നിവയാൽ സജ്ജീകരിച്ചിരിക്കുന്ന ഈ 3 കപ്പലിന് വെള്ളത്തിനടിയിലെ ചെറിയ ചലനം പോലും കണ്ടെത്താൻ കഴിയും.

ടോർപിഡോകൾ, അന്തർവാഹിനി വിരുദ്ധ റോക്കറ്റുകൾ, കടലിൽ മൈനുകൾ വിരിക്കാനുള്ള സംവിധാനം എന്നിവയാൽ ഈ കപ്പൽ സജ്ജമാണ്. 

ശത്രു റഡാറുകളെ ഒഴിവാക്കാൻ കഴിയുന്ന ഒരു സ്റ്റെൽത്ത് സംവിധാനവും ഇതിനുണ്ട്. അർനാല കണ്ടെത്തുന്നതിനുമുമ്പ് ശത്രുവിന് അതിന്റെ സാന്നിധ്യം കണ്ടെത്താൻ കഴിയും.  അർനാല ഇപ്പോൾ വിശാഖപട്ടണത്തെ 8-ാമത് കിഴക്കൻ നാവിക കമാൻഡിന്റെ ഭാഗമാണ്. |

പഴയ 'അഭയ്' ക്ലാസ് യുദ്ധക്കപ്പലുകൾക്ക് പകരമായാണ് ഐഎൻഎസ് അർനാല സേനയുടെ ഭാഗമാകുന്നത്. ഇതിലൂടെ ഇന്ത്യൻ തീരപ്രദേശങ്ങളിലെ സുരക്ഷാ നിരീക്ഷണം കൂടുതൽ ശക്തമാകും.