യൂറോസോണിൽ ഇനി 21 രാജ്യങ്ങൾ.പുതുവർഷത്തിൽ യൂറോയിലേക്ക് മാറുന്ന രാജ്യം ഇതാണ്...!

സോഫിയ ;പുതുവർഷത്തിൽ ബൾഗേറിയക്കാർ ‘പുതുപ്പണ’ക്കാർ’. ഇക്കാലമത്രയും ഉപയോഗിച്ചിരുന്ന ലെവ് കറൻസി ഉപേക്ഷിച്ച് ഇന്നു മുതൽ യൂറോയിലേക്ക് മാറുകയാണ് രാജ്യം.

യൂറോപ്യൻ യൂണിയന്റെ ഔദ്യോഗിക കറൻസിയാണ് യൂറോ.യൂറോ ഉപയോഗിക്കുന്ന രാജ്യങ്ങളെയെല്ലാം ചേർത്തു പറയുന്ന പേരാണ് യൂറോസോൺ. ബൾഗേറിയ കൂടിയെത്തുന്നതോടെ യൂറോസോണിൽ 21 രാജ്യങ്ങളാകും.

ഇയു അംഗങ്ങളായി ആകെ 27 രാജ്യങ്ങളുണ്ടെങ്കിലും ചെക്ക് റിപ്പബ്ലിക്, ഡെൻമാർക്ക്, ഹംഗറി, പോളണ്ട്, റുമാനിയ, സ്വീഡൻ എന്നീ രാജ്യങ്ങൾ യൂറോയല്ല, ഇപ്പോഴും അവരുടെ കറൻസി തന്നെയാണ് ഉപയോഗിക്കുന്നത്.