യുകെ: യുകെയില് ജനിച്ചു വളര്ന്ന മൂന്നാം തലമുറയിലെ മലയാളി യുവാവ്. എന്നിട്ടും ദൈവവിശ്വാസത്തില് തരിമ്പും വെള്ളം ചേര്ക്കാത്ത പ്രകൃതം.
എന്നാല് ഇഷ്ടമായവരെ ദൈവം വേഗത്തില് വിളിക്കും എന്നൊക്കെ ആശ്വാസവചനം പറയുന്ന പതിവ് ഇപ്പോള് ഒരിക്കല് കൂടി സ്റ്റെഫാന്റെ മാതാപിതാക്കള്ക്കും പ്രിയപ്പെട്ടവര്ക്കും വേണ്ടി കടം എടുത്തു വളരെ ഹൃദയവേദനയോടെയാണ് ഈ ഭാവി ഡോക്ടറുടെ വേര്പാട് ഞങ്ങള് റിപ്പോര്ട്ട് ചെയ്യുന്നത്.
ലൂട്ടനില് താമസമാക്കിയ മൂന്നാം തലമുറയിലെ കണ്ണിയാണ് സ്റ്റെഫാന്. സിംഗപ്പൂര് വഴി പതിറ്റാണ്ടുകള് മുന്പേ എത്തിയ ആയിരക്കണക്കിന് മലയാളി കുടുംബങ്ങളുടെ കണ്ണിയില് പെട്ടവരാണ് സ്റ്റെഫാന്റെ മുത്തശ്ശിയും മുത്തച്ഛനും. പിതാവ് വര്ഗീസ് മലയാളി സമൂഹത്തിലെ ആദ്യകാല ഡോക്ടര്മാരില് ഒരാളും.
ഇന്നലെ വൈകിട്ടും മാതാപിതാക്കള്ക്ക് ഒപ്പം സംസാരിച്ചിരുന്ന സ്റ്റെഫാന് തുറന്നിരുന്ന കംപ്യുട്ടറിനു മുന്നില് നിശ്ചലനായി മരിച്ച നിലയില് കാണപ്പെടുക ആയിരുന്നു എന്നാണ് ലഭ്യമാകുന്ന വിവരം. പതുങ്ങിയെത്തിയ ഹൃദയാഘാതത്തിനു സ്റ്റെഫാന് അതിവേഗം കീഴ്പ്പെട്ടിരിക്കാനുള്ള സാധ്യതയാണ് ഊഹിക്കാനാകുന്നത്. മറ്റു ആരോഗ്യപ്രശ്നങ്ങള് ഒന്നും 23കാരനായ സ്റ്റെഫാന് ഉണ്ടായിരുന്നതായും സൂചനയില്ല. വര്ഷങ്ങളായി ലൂട്ടനില് താമസിക്കുന്ന ഡോ. വിനോദ് വര്ഗീസിന്റെയും ഗ്രേസ് വര്ഗീസിന്റെയും മകനാണ് സ്റ്റെഫാന്.
ഒരു മകള് കൂടിയുണ്ട് ഈ ദമ്പതികള്ക്ക്. ഇന്നലെ വൈകുന്നേരത്തോടെ ലൂട്ടന് മലയാളികള് ഹൃദയം നുറുങ്ങുന്ന വികാരത്തോടെയാണ് സ്റ്റെഫാന്റെ മരണവാര്ത്തയോട് പ്രതികരിച്ചത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.