ഭക്ഷ്യവിഷബാധയെന്ന് സംശയം പൂഞ്ഞാർ മലയിഞ്ചിപ്പാറ സെന്റ് ജോസഫ്സ് യുപി സ്‌കൂളിലെ നിരവധി കുട്ടികളെ ആശുപത്രിയിൽ പ്രവേശിപ്പിച്ചു

പാലാ ;പാതാമ്പുഴ മലയിഞ്ചിപ്പാറ സെന്റ് ജോസഫ്സ് യുപി സ്‌കൂളിലെ 20 ഓളം കുട്ടികൾക്ക് ഭക്ഷ്യവിഷബാധയെന്ന് സംശയം.

ഛര്‍ദ്ദിലും ദേഹാസ്വാസ്ഥ്യവും ഉണ്ടായതിനെ തുടര്‍ന്ന് നിരവധി കുട്ടികളെ ആശുപത്രികളില്‍ പ്രവേശിപ്പിച്ചു. പൂഞ്ഞാര്‍ പിഎച്ച്സിയില്‍ എത്തിച്ച കുട്ടികളെ പിന്നീട്  പാലാ ജനറല്‍ ആശുപത്രിയിലേയ്ക്ക് മാറ്റി.

20 പേരെ ആംബുലന്‍സില്‍ പാലാ ജനറല്‍ ആശുപത്രിയില്‍ എത്തിച്ചു. ഉച്ച ഭക്ഷണത്തിനു ശേഷമാണ് കുട്ടികൾക്ക് അസ്വസ്ഥത അനുഭവപെട്ടതെന്ന് പറയുന്നു. 24 പേര്‍ പൂഞ്ഞാര്‍ കുടുംബാരോഗ്യ കേന്ദ്രത്തില്‍ ചികിത്‌സ തേടിയിരുന്നു.