പണം ചോദിച്ചപ്പോൾ പോലീസിനെ വിളിക്കുമെന്ന് ഭീഷണി; ഡ്രൈവറെ അസഭ്യം പറഞ്ഞ് യുവതി; വൈറൽ വീഡിയോ

 ന്യൂഡൽഹി: യാത്രയ്‌ക്കൊടുവിൽ ടാക്സി കൂലി നൽകാൻ വിസമ്മതിച്ചും ഡ്രൈവറോട് അക്രമാസക്തമായി പെരുമാറിയും യുവതിയുടെ അതിക്രമം.

വെറും 250 രൂപയെച്ചൊല്ലിയുണ്ടായ ഈ തർക്കത്തിന്റെ ദൃശ്യങ്ങൾ ഡ്രൈവർ തന്നെയാണ് മൊബൈലിൽ പകർത്തിയത്. യാത്രയ്ക്കിടയിൽ യുവതി കാറിനുള്ളിലിരുന്ന് പുകവലിച്ചതായും മദ്യം വാങ്ങാനായി പാതിവഴിയിൽ വാഹനം നിർത്തിച്ച് ഡ്രൈവറെ അരമണിക്കൂറോളം കാത്തുനിർത്തിയതായും വീഡിയോയിൽ ഡ്രൈവർ ആരോപിക്കുന്നുണ്ട്.

कैब ड्राइवर चिल्ला रहा है- मैडम पैसा कौन देगा ?
महिला- अबे चल निकल, काहे का पैसा ?

वायरल वीडियो में महिला का व्यवहार बहुत अजीब है. pic.twitter.com/rSx37CrRuj

— Priya singh (@priyarajputlive) December 30, 2025

മാന്യമായ അഭ്യർത്ഥന, മറുപടി അസഭ്യവർഷം

യാത്ര അവസാനിച്ച ശേഷം പണം ആവശ്യപ്പെട്ട ഡ്രൈവറോട് "പോയി പണി നോക്ക്" (Get lost) എന്ന ശൈലിയിലുള്ള അസഭ്യവാക്കുകളാണ് യുവതി ഉപയോഗിച്ചത്. "പണം ആര് തരും?" എന്ന് ഡ്രൈവർ ആവർത്തിച്ചു ചോദിക്കുമ്പോഴും വളരെ മോശമായ ഭാഷയിൽ ആക്രോശിച്ചുകൊണ്ട് യുവതി നടന്നുനീങ്ങുന്നതായി വീഡിയോയിൽ കാണാം. താൻ മാന്യമായാണ് സംസാരിക്കുന്നതെന്നും അധ്വാനിച്ച പണം തരണമെന്നും ഡ്രൈവർ അഭ്യർത്ഥിക്കുന്നുണ്ടെങ്കിലും യുവതി വഴങ്ങാൻ തയ്യാറായില്ല.

മധ്യസ്ഥശ്രമവും പരാജയപ്പെട്ടു

സംഘർഷം കണ്ട് വഴിപോക്കനായ ഒരാൾ ഇടപെട്ട് യുവതിയെ ശാന്തയാക്കാൻ ശ്രമിച്ചെങ്കിലും "എനിക്കൊന്നും കേൾക്കണ്ട" എന്നായിരുന്നു അവരുടെ മറുപടി. താൻ പോലീസിനെ വിളിക്കുമെന്ന് യുവതി ഭീഷണിപ്പെടുത്തിയതോടെ ഡ്രൈവറുടെ നിയന്ത്രണം നഷ്ടമായി. "ഇവർ കാറിനുള്ളിൽ പുകവലിച്ചു, വഴിയിൽ നിർത്തിച്ച് മദ്യം വാങ്ങി, എന്നെക്കൊണ്ട് അരമണിക്കൂർ കാത്തുനിർത്തിച്ചു. ഞാൻ എന്താ  വിഡ്ഢിയാണോ?" എന്ന് ഡ്രൈവർ ക്ഷുഭിതനായി ചോദിച്ചു. തുടർന്ന് തന്നെ 'മദ്യപാനി' എന്ന് വിളിച്ച യുവതിയോട്, താൻ അസഭ്യം പറയുന്നില്ലെന്നും മാന്യത നൽകിയാണ് സംസാരിക്കുന്നതെന്നും ഡ്രൈവർ ഓർമ്മിപ്പിച്ചു.

സോഷ്യൽ മീഡിയയിൽ പ്രതിഷേധം ഇരമ്പുന്നു

വീഡിയോ പുറത്തുവന്നതോടെ യുവതിയുടെ പെരുമാറ്റത്തിനെതിരെ വലിയ രീതിയിലുള്ള പ്രതിഷേധമാണ് ഉയരുന്നത്.

"ഇത് തമാശയല്ല, കടുത്ത ധിക്കാരമാണ്. ഒരാൾ അധ്വാനിച്ചുണ്ടാക്കിയ പണം ചോദിക്കുമ്പോൾ ഇത്തരത്തിലാണോ പെരുമാറേണ്ടത്?" എന്ന് ഒരാൾ കുറിച്ചു.

ടാക്സി യാത്രകൾ പൂർണ്ണമായും 'പ്രീപെയ്ഡ്' ആക്കണമെന്നാണ് മറ്റ് ചിലരുടെ അഭിപ്രായം.

ഡ്രൈവറുടെ സ്ഥാനത്ത് ഒരു പുരുഷനാണ് ഇത്തരത്തിൽ പെരുമാറിയതെങ്കിൽ സ്ഥിതി മറ്റൊന്നാകുമായിരുന്നുവെന്നും യുവതിക്കെതിരെ നിയമനടപടി വേണമെന്നും ആവശ്യമുയരുന്നുണ്ട്.

നേരത്തെ സമാനമായ രീതിയിൽ ഡൽഹിയിൽ 300 രൂപയെച്ചൊല്ലി ഒരു യുവതി യൂബർ ഡ്രൈവറോട് തർക്കിച്ചത് വലിയ വാർത്തയായിരുന്നു. ട്രാഫിക് ബ്ലോക്ക് കാരണം യാത്ര വൈകിയെന്ന് ആരോപിച്ചായിരുന്നു അന്ന് യുവതി പണം നൽകാതിരുന്നത്.