നടുക്കുന്ന ദൃശ്യങ്ങൾ: സ്‌കൂൾ കഴിഞ്ഞ് മടങ്ങുന്നതിനിടെ പുഴയിലേക്ക് ചാടി വിദ്യാർത്ഥിനിയുടെ ആത്മഹത്യാശ്രമം

വാർത്താ ഡെസ്‌ക്: സ്കൂൾ യൂണിഫോമിൽ നടന്നുപോകുന്നതിനിടെ പാലത്തിൽ നിന്ന് പുഴയിലേക്ക് ചാടിയ പ്രായപൂർത്തിയാകാത്ത പെൺകുട്ടിയുടെ ദൃശ്യങ്ങൾ സി.സി.ടി.വിയിൽ പതിഞ്ഞു.

വ്യാഴാഴ്ച നടന്ന ഈ ദാരുണ സംഭവത്തിന്റെ വീഡിയോ സാമൂഹിക മാധ്യമങ്ങളിൽ വ്യാപകമായ ചർച്ചകൾക്കും ആശങ്കയ്ക്കും വഴിവെച്ചിരിക്കുകയാണ്.

സി.സി.ടി.വി ദൃശ്യങ്ങളിൽ കണ്ടത്

സ്‌കൂൾ വിട്ട് വീട്ടിലേക്ക് നടന്നുപോവുകയായിരുന്നു പെൺകുട്ടി. പാലത്തിലൂടെ നടന്നുപോകുന്നതിനിടെ പെട്ടെന്ന് കൈവരിക്ക് മുകളിലൂടെ പുഴയിലേക്ക് ചാടുകയായിരുന്നു. തൊട്ടടുത്തുകൂടെ നടന്നുപോയ ഒരാൾ പെൺകുട്ടിയെ തടയാൻ ഓടിയെത്തിയെങ്കിലും നിമിഷങ്ങൾക്കുള്ളിൽ കുട്ടി താഴേക്ക് പതിച്ചു. പിന്നാലെ വന്ന ഒരു ബൈക്ക് യാത്രക്കാരനും പെൺകുട്ടിയെ രക്ഷിക്കാൻ ശ്രമിക്കുന്നതും ദൃശ്യങ്ങളിൽ കാണാം.

स्कूल से लौटती एक नाबालिग छात्रा
चलते-चलते पुल से नदी में कूद गई।
घटना सीसीटीवी में कैद है

लेकिन आख़िरी वजह अब तक साफ़ नहीं है।
ये घटना याद दिलाती है कि
बच्चों की मानसिक सेहत उतनी ही ज़रूरी है
जितनी उनकी पढ़ाई।

समय पर बात सुनना और सहारा
कई ज़िंदगियाँ बचा सकता है। pic.twitter.com/IiXlqKZnEf

— Er. Aamir malik (@AamirMalick605) January 16, 2026

സംഭവം കണ്ട് പരിഭ്രാന്തരായ നാട്ടുകാർ പുഴയുടെ തീരത്തേക്ക് ഓടിക്കൂടിയെങ്കിലും പെൺകുട്ടിയെ രക്ഷിക്കാനായോ എന്നത് സംബന്ധിച്ച് ഔദ്യോഗിക വിവരങ്ങൾ ഇതുവരെ ലഭ്യമായിട്ടില്ല. കുട്ടിയുടെ നിലവിലെ ആരോഗ്യസ്ഥിതിയെക്കുറിച്ചോ ഇത്തരമൊരു കടുംകൈ ചെയ്യാൻ പ്രേരിപ്പിച്ച സാഹചര്യത്തെക്കുറിച്ചോ പോലീസ് അന്വേഷണം ആരംഭിച്ചിട്ടുണ്ട്.

സോഷ്യൽ മീഡിയയിൽ ഉയരുന്ന ആശങ്ക

വീഡിയോ പ്രചരിച്ചതോടെ കുട്ടികളുടെ മാനസികാരോഗ്യം സംബന്ധിച്ച ഗൗരവകരമായ ചർച്ചകളാണ് ഇന്റർനെറ്റിൽ ഉയരുന്നത്. "ഇത്രയും ചെറിയ പ്രായത്തിൽ ഇത്തരമൊരു കടുത്ത തീരുമാനമെടുക്കാൻ ആ കുട്ടിയെ പ്രേരിപ്പിച്ച സാഹചര്യം ഹൃദയഭേദകമാണ്" എന്ന് ഒരു ഉപയോക്താവ് കുറിച്ചു. വിദ്യാഭ്യാസത്തോടൊപ്പം തന്നെ കുട്ടികളുടെ മാനസിക സമ്മർദ്ദങ്ങൾ തിരിച്ചറിയാനും അവർക്ക് കൃത്യമായ പിന്തുണ നൽകാനും മാതാപിതാക്കളും സമൂഹവും തയ്യാറാകണമെന്ന് നിരവധി പേർ ആവശ്യപ്പെട്ടു.