തിരുവനന്തപുരം: പൂന്തുറയിൽ കൂട്ടുകാർക്കൊപ്പം കളിക്കുന്നതിനിടെ കടലിൽ വീണ പന്തെടുക്കാൻ ശ്രമിച്ച വിദ്യാർത്ഥി തിരയിൽപ്പെട്ട് മുങ്ങിമരിച്ചു.
ബുധനാഴ്ച വൈകുന്നേരം അഞ്ചുമണിയോടെ പൂന്തുറ സെന്റ് തോമസ് പള്ളിക്ക് സമീപമുള്ള കടൽത്തീരത്തായിരുന്നു അപകടം. കളിക്കുന്നതിനിടെ പന്ത് കടലിലേക്ക് തെറിച്ചു വീഴുകയായിരുന്നു. ഇത് വീണ്ടെടുക്കാൻ ശ്രമിക്കുന്നതിനിടെ അപ്രതീക്ഷിതമായി വന്ന ശക്തമായ തിരയിൽപ്പെട്ട് അഖിൽ കടലിലേക്ക് വലിച്ചെറിയപ്പെട്ടു. കൂടെയുണ്ടായിരുന്ന മറ്റ് രണ്ട് കുട്ടികളും അപകടത്തിൽപ്പെട്ടെങ്കിലും സമീപത്തുണ്ടായിരുന്ന മത്സ്യത്തൊഴിലാളികൾ ഉടൻ ഇടപെട്ട് അവരെ സുരക്ഷിതമായി കരയ്ക്കടുപ്പിച്ചു.
തുടക്കത്തിൽ നാട്ടുകാർ തിരച്ചിൽ നടത്തിയെങ്കിലും അഖിലിനെ കണ്ടെത്താനായില്ല. തുടർന്ന് ബീമാപള്ളിയിൽ നിന്നെത്തിയ മുങ്ങൽ വിദഗ്ധരും ചിപ്പിത്തൊഴിലാളികളും നടത്തിയ തീവ്രമായ തിരച്ചിലിനൊടുവിലാണ് കുട്ടിയെ കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.
സംഭവമറിഞ്ഞ് വിഴിഞ്ഞം കോസ്റ്റൽ പോലീസ് സ്ഥലത്തെത്തി നടപടികൾ സ്വീകരിച്ചു. നിലവിൽ മൃതദേഹം മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്. ഒരു നാടിനെ മുഴുവൻ കണ്ണീരിലാഴ്ത്തിയിരിക്കുകയാണ് അഖിലിന്റെ അപ്രതീക്ഷിത വിയോഗം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.