ബെംഗളൂരു: നഗരത്തിലെ തിരക്കേറിയ മഡിവാളയിൽ പ്രവർത്തിക്കുന്ന സന്ധ്യ തിയേറ്ററിൽ സ്ത്രീകളുടെ ശുചിമുറിയിൽ ഒളികാമറ കണ്ടെത്തി.
സംഭവവുമായി ബന്ധപ്പെട്ട് തിയേറ്റർ ജീവനക്കാരനായ യുവാവിനെ പോലീസ് കസ്റ്റഡിയിലെടുത്തു. ഞായറാഴ്ച (ജനുവരി 4) വൈകുന്നേരം സിനിമ പ്രദർശനത്തിനിടെയായിരുന്നു നടുക്കുന്ന സംഭവം പുറത്തറിഞ്ഞത്.
High alert 🚨 at Sandhya Theatre, Bangalore.
— Milagro Movies (@MilagroMovies) January 4, 2026
A theatre staff member was reportedly caught recording videos near the girls’ washroom.#Bangalorepic.twitter.com/GhWoQY9Ted
കാമറ കണ്ടെത്തിയത് സിനിമയ്ക്കിടെ
'നു നാക്കു നച്ചാവ്' എന്ന തെലുങ്ക് സിനിമയുടെ പ്രദർശനം നടന്നുകൊണ്ടിരിക്കെ ശുചിമുറിയിൽ പോയ സ്ത്രീകളാണ് കാമറയുടെ സാന്നിധ്യം ശ്രദ്ധിച്ചത്. ഉടൻ തന്നെ വിവരം പുറത്തറിയിക്കുകയും സ്ഥലത്ത് വലിയ തോതിലുള്ള പ്രതിഷേധം ഉയരുകയും ചെയ്തു. സിനിമാ കാണാനെത്തിയവരും നാട്ടുകാരും ചേർന്ന് സംശയിക്കുന്ന യുവാവിനെ പിടികൂടി പോലീസിൽ ഏൽപ്പിച്ചു. പോലീസ് എത്തുന്നതിന് മുമ്പ് ജനക്കൂട്ടം ഇയാളെ കൈയേറ്റം ചെയ്തതായും റിപ്പോർട്ടുകളുണ്ട്.
പ്രതി ജീവനക്കാരനെന്ന് സൂചന
പിടിയിലായ യുവാവ് തിയേറ്ററിലെ തന്നെ ജീവനക്കാരനാണെന്നാണ് പ്രാഥമിക വിവരം. ഇയാൾ മുൻപും സമാനമായ രീതിയിൽ ദൃശ്യങ്ങൾ പകർത്തിയിട്ടുണ്ടോ എന്നും ദൃശ്യങ്ങൾ മറ്റേതെങ്കിലും ഓൺലൈൻ പ്ലാറ്റ്ഫോമുകളിൽ പ്രചരിപ്പിച്ചിട്ടുണ്ടോ എന്നും പോലീസ് അന്വേഷിക്കുന്നുണ്ട്. പ്രതിയുടെ മൊബൈൽ ഫോണും കണ്ടെടുത്ത കാമറയും ഫോറൻസിക് പരിശോധനയ്ക്ക് അയച്ചു. ഇതിന്റെ ഫലം ലഭിച്ച ശേഷം മാത്രമേ കൂടുതൽ വകുപ്പുകൾ ചുമത്തുന്ന കാര്യത്തിൽ തീരുമാനമുണ്ടാകൂ.
മഡിവാള, ബി.ടി.എം ലേഔട്ട് തുടങ്ങിയ മലയാളി ഭൂരിപക്ഷ മേഖലകളോട് ചേർന്നു കിടക്കുന്ന തിയേറ്ററായതിനാൽ ധാരാളം മലയാളികൾ ഇവിടെ സിനിമ കാണാനെത്താറുണ്ട്. പൊതുസ്ഥലങ്ങളിൽ സ്ത്രീകളുടെ സുരക്ഷയെ ചോദ്യം ചെയ്യുന്ന ഇത്തരം സംഭവങ്ങൾ വലിയ ആശങ്കയ്ക്കാണ് ഇടയാക്കിയിരിക്കുന്നത്. ബെംഗളൂരുവിലെ തിയേറ്ററുകളിൽ മുൻപും സമാനമായ സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. 2024-ൽ ഇത്തരമൊരു കേസിൽ പ്രായപൂർത്തിയാകാത്ത ഒരാളെ പോലീസ് അറസ്റ്റ് ചെയ്തിരുന്നു.
സംഭവത്തിന് പിന്നാലെ തിയേറ്ററിലെ സിസിടിവി ദൃശ്യങ്ങളും മറ്റ് ജീവനക്കാരുടെ വിവരങ്ങളും മഡിവാള പോലീസ് പരിശോധിച്ചു വരികയാണ്. പൊതുസ്ഥലങ്ങളിലെ ശുചിമുറികൾ ഉപയോഗിക്കുമ്പോൾ സ്ത്രീകൾ അതീവ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.