സ്കൂൾ പ്രിൻസിപ്പൽക്കൊപ്പം ഹോട്ടലിൽ; അധ്യാപികയെ ഭർത്താവ് മർദ്ദിച്ചു, ദൃശ്യങ്ങൾ വൈറൽ

 അമേഠി (ഉത്തർപ്രദേശ്): സോഷ്യൽ മീഡിയയിൽ വലിയ കോളിളക്കം സൃഷ്ടിച്ച ഞെട്ടിക്കുന്ന ഒരു ദൃശ്യമാണ് ഉത്തർപ്രദേശിലെ അമേഠി ജില്ലയിൽ നിന്ന് പുറത്തുവന്നിരിക്കുന്നത്.

ഡ്യൂട്ടിയിൽ പ്രവേശിക്കേണ്ട സമയത്ത് വിവാഹിതയായ ഒരു വനിതാ അധ്യാപികയെയും സ്കൂൾ പ്രിൻസിപ്പലിനെയും ഒരുമിച്ചിരുന്ന് ഒയോ ഹോട്ടലിൽ വെച്ച് ഭർത്താവ് കൈയോടെ പിടികൂടുകയായിരുന്നു. തുടർന്നുണ്ടായ മർദ്ദനത്തിൻ്റെ ദൃശ്യങ്ങൾ വ്യാപകമായി പ്രചരിക്കുന്നുണ്ട്.

ഹോട്ടലിൽ സംഭവിച്ചത്

അമേഠിയിലെ ഭേതുവ പ്രദേശത്തെ ഒരു കോമ്പോസിറ്റ് സ്കൂളിലെ പ്രിൻസിപ്പലും അവിടെത്തന്നെ ജോലി ചെയ്യുന്ന വനിതാ അധ്യാപികയുമാണ് സംഭവത്തിൽ ഉൾപ്പെട്ടത്. ഡ്യൂട്ടിക്ക് ഹാജരാവാതെ ഇരുവരും പ്രതാപുഡ് ജില്ലയിലെ ലാൽഗഞ്ചിലുള്ള ഒരു ഒയോ ഹോട്ടലിൽ എത്തുകയായിരുന്നു. ഭാര്യയുടെ പെരുമാറ്റത്തിൽ സംശയം തോന്നിയ ഭർത്താവ് അവരെ പിന്തുടർന്നു.

A video from #Lalganj, #Pratapgarh, has set social media on fire. It allegedly shows a female instructor from a #Bhetua-area school in #Amethi sitting in a car with the school’s principal, even though both were absent from duty.

Rumours quickly spread that they had met outside… pic.twitter.com/a49odUJ9RG

— Hate Detector 🔍 (@HateDetectors) December 11, 2025

ഭാര്യ പ്രിൻസിപ്പലിനൊപ്പം നിൽക്കുന്നത് കണ്ടതോടെ പ്രകോപിതനായ ഭർത്താവ് യുവതിയുടെ മുടിയിൽ കുത്തിപ്പിടിച്ച് റോഡിലേക്ക് വലിച്ചിഴച്ച് ക്രൂരമായി മർദ്ദിക്കുകയായിരുന്നു. അവിടെയുണ്ടായിരുന്ന ആളുകൾ ഇടപെടാൻ ശ്രമിച്ചെങ്കിലും, ഭർത്താവ് മർദ്ദനം തുടർന്നു. സംഭവത്തിൻ്റെ ദൃശ്യങ്ങൾ ചിലർ മൊബൈൽ ഫോണിൽ പകർത്തി സോഷ്യൽ മീഡിയയിൽ പങ്കുവെച്ചതോടെയാണ് സംഭവം വൈറലായത്.

 പോലീസ് അന്വേഷണം ആരംഭിച്ചു

സംഭവത്തെക്കുറിച്ച് നാട്ടുകാർ പോലീസിനെ വിവരമറിയിച്ചെങ്കിലും പോലീസ് എത്തുന്നതിനുമുമ്പ് ഭർത്താവും ഭാര്യയും പ്രിൻസിപ്പലും സ്ഥലത്തുനിന്ന് മാറിയിരുന്നു. വൈറലായ വീഡിയോയുടെ അടിസ്ഥാനത്തിൽ പോലീസ് സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്. ഡ്യൂട്ടിക്കിടെ ജോലി ഉപേക്ഷിച്ച് പോയതുമായി ബന്ധപ്പെട്ട് ഔദ്യോഗിക തലത്തിലും നടപടിയുണ്ടാകാൻ സാധ്യതയുണ്ട്