ചൈന: മികച്ചൊരു സെൽഫി എടുക്കാനുള്ള ശ്രമത്തിനിടെ ചൈനയിലെ മലയിടുക്കിൽ നിന്ന് വീണ സഞ്ചാരി അത്ഭുതകരമായി രക്ഷപ്പെട്ടു. ഗ്വാങ് ആൻ പ്രവിശ്യയിലെ ഹുവായിങ് പർവതത്തിൽ 130 അടി (ഏകദേശം 40 മീറ്റർ) ഉയരമുള്ള കൊക്കയിൽ നിന്നാണ് യുവാവ് താഴേക്ക് പതിച്ചത്. സംഭവത്തിന്റെ ദൃശ്യങ്ങൾ വീഡിയോയിൽ പതിഞ്ഞിട്ടുണ്ട്..png)
.png)
പാറക്കെട്ടുകൾക്ക് മുകളിൽ മൊബൈൽ ഫോണുമായി ബാലൻസ് ചെയ്ത് നിന്ന് സെൽഫി എടുക്കാൻ ശ്രമിക്കുന്നതിനിടെയാണ് സഞ്ചാരിക്ക് പിടിത്തം തെറ്റി താഴേക്ക് വീണത്. ഞായറാഴ്ചയായിരുന്നു സംഭവം. താഴേക്ക് വീണ യുവാവ് മരങ്ങൾക്കിടയിലേക്ക് മറയുന്നതും, തുടർന്ന് മറ്റ് സഞ്ചാരികൾ കൊക്കയുടെ അരികിലെത്തി താഴേക്ക് നോക്കുന്നതും വീഡിയോയിൽ കാണാം.
Man Falls From Cliff While Snapping Selfie pic.twitter.com/RsSd9WzRNv
— Loka samasta Sukhino Bhavantu (@unnikutan77) December 10, 2025
റിപ്പോർട്ടുകൾ പ്രകാരം, ഇയാൾ ഏകദേശം 50 അടി (15 മീറ്റർ) താഴെയുള്ള ചരിവിലൂടെയാണ് ഉരുണ്ടുപോയത്. അത്ഭുതകരമെന്നു പറയട്ടെ, ഗുരുതരമായ പരിക്കുകളില്ലാതെ ഇയാൾ രക്ഷപ്പെട്ടു. രക്ഷപ്പെട്ട വിവരം ഇയാൾ ഉടൻ തന്നെ സോഷ്യൽ മീഡിയയിലൂടെ പങ്കുവെക്കുകയും ചെയ്തു.
സോഷ്യൽ മീഡിയ പോസ്റ്റിൽ ഇദ്ദേഹം കുറിച്ചത് ഇങ്ങനെ: "പർവത ദൈവങ്ങൾ എന്നെ അനുഗ്രഹിച്ചു. ഞാൻ അത്രയേറെ ഭാഗ്യവാനാണ്. 40 മീറ്റർ ഉയരമുള്ള കൊക്കയിൽ നിന്നാണ് ഞാൻ വീണത്, ഏകദേശം 15 മീറ്ററോളം ചരിവിലൂടെ ഉരുണ്ടുപോയി. പാറകൾ ഇടിഞ്ഞുവീണപ്പോൾ ഞാൻ മരിക്കുമെന്ന് കരുതി. ജീവിച്ചിരിക്കുന്നത് എത്ര നല്ല കാര്യമാണ്! അതിനാൽ ഞാൻ നന്നായി ജീവിക്കും!"
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.