ആലപ്പുഴ: ആലപ്പുഴ മുല്ലയ്ക്കൽ ശ്രീരാജരാജേശ്വരി ക്ഷേത്രത്തിന്റെയും തിരുവിതാംകൂർ ദേവസ്വം ബോർഡിന്റെയും പ്രിയപ്പെട്ട ആനയായ മുല്ലയ്ക്കൽ ബാലകൃഷ്ണൻ (55) ചെരിഞ്ഞു. ഇന്ന് (തിങ്കളാഴ്ച) രാവിലെ 7.15-ന് മുല്ലയ്ക്കൽ ക്ഷേത്രമതിൽക്കെട്ടിനകത്ത്, ശീവേലി സമയത്താണ് ആന മറിഞ്ഞുവീണത്. ഉദ്യോഗസ്ഥരെത്തി മരണം സ്ഥിരീകരിക്കുകയായിരുന്നു.
ദീർഘകാലമായുള്ള അസുഖങ്ങൾ
ഏറെക്കാലമായി ആരോഗ്യപ്രശ്നങ്ങളാൽ ബാലകൃഷ്ണൻ ചികിത്സയിലായിരുന്നു. അതിനാൽ ക്ഷേത്രത്തിലെ ചടങ്ങുകൾക്കോ എഴുന്നള്ളത്തിനോ ഈ ഗജവീരനെ ഉപയോഗിച്ചിരുന്നില്ല. മുല്ലയ്ക്കൽ ക്ഷേത്രക്കുളത്തിന് സമീപം പ്രത്യേകമായി തറകെട്ടി അതിലായിരുന്നു ബാലകൃഷ്ണന് വിശ്രമ സൗകര്യം ഒരുക്കിയിരുന്നത്.
ക്ഷേത്രത്തിലെത്തിച്ചത് 1988-ൽ
1987-ൽ മുല്ലയ്ക്കൽ ക്ഷേത്രത്തിലെ കൊടിയർച്ചനയ്ക്ക് ശേഷം മിച്ചം വന്ന തുക ഉപയോഗിച്ചാണ് ആനയെ വാങ്ങിയത്. തുടർന്ന് 1988-ൽ ക്ഷേത്രത്തിൽ നടയിരുത്തിയതുമുതൽ ഭക്തരുടെ സ്നേഹവും ശ്രദ്ധയും ആകർഷിച്ച ഗജവീരനായിരുന്നു ബാലകൃഷ്ണൻ.
പോലീസ്, വനം വകുപ്പ് ഉദ്യോഗസ്ഥരെത്തി ഇൻക്വസ്റ്റ് നടപടികൾ പൂർത്തിയാക്കിയ ശേഷം, ബാലകൃഷ്ണന്റെ ഭൗതികദേഹം തുടർന്ന് കോന്നിയിലേക്ക് കൊണ്ടുപോവുകയും അവിടെവെച്ച് സംസ്കരിക്കുകയും ചെയ്യും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.