ചാലിശ്ശേരി: ക്രിസ്മസ് ആഘോഷങ്ങളുടെ ഭാഗമായി ചാലിശ്ശേരി സെന്റ് പീറ്റേഴ്സ് ആൻഡ് സെന്റ് പോൾസ് യാക്കോബായ സുറിയാനി പള്ളിയിൽ ഒരുക്കിയ ഭീമൻ ക്രിസ്മസ് ട്രീ ശ്രദ്ധേയമാകുന്നു.
മോർ പത്രോസ് പൗലോസ് മെമ്മോറിയൽ (MPPM) യൂത്ത് അസോസിയേഷൻ്റെ നേതൃത്വത്തിൽ നിർമ്മിച്ച 40 അടി ഉയരമുള്ള ഈ ട്രീ, നക്ഷത്രവെളിച്ചവും മനോഹരമായ ദൃശ്യാവിഷ്കാരവും കൊണ്ട് വിശ്വാസികൾക്കും നാട്ടുകാർക്കും ഒരുപോലെ കാഴ്ചവിരുന്നൊരുക്കുകയാണ്.
രണ്ടാഴ്ചത്തെ കഠിനാധ്വാനം; വിദേശ മാതൃകയിൽ നിർമ്മാണം
പള്ളിയിലെ യൂത്ത് അസോസിയേഷൻ ഭാരവാഹികളും എക്സിക്യൂട്ടീവ് അംഗങ്ങളും അടങ്ങുന്ന 15 പേരടങ്ങുന്ന സംഘം ജോലി കഴിഞ്ഞ് രാത്രികളിൽ നടത്തിയ പരിശ്രമത്തിനൊടുവിലാണ് രണ്ടാഴ്ച കൊണ്ട് ഈ കൂറ്റൻ ട്രീ പൂർത്തിയാക്കിയത്. സ്തൂപാകൃതിയിലുള്ള ഇരുമ്പ് പൈപ്പ് ഫ്രെയിമിന് ചുറ്റും 1400-ഓളം പച്ച ഗിൽട്ട് മാലകൾ, ഗോൾഡൻ പൂക്കൾ, അത്തിപ്പഴം, ചെറിപ്പഴം എന്നിവ കൊണ്ട് അലങ്കരിച്ചിരിക്കുന്നു. ഏകദേശം 60,000 രൂപ നിർമ്മാണ ചെലവ് വന്ന ഈ ട്രീ, വിദേശ രാജ്യങ്ങളിലെ ക്രിസ്മസ് അലങ്കാരങ്ങളെ അനുസ്മരിപ്പിക്കുന്ന രീതിയിലാണ് രൂപകൽപ്പന ചെയ്തിരിക്കുന്നത്.
Descriptive and EngagingA 40-foot Christmas marvel at Chalissery! 🎄✨ The MPPM Youth Association of St. Peter's & St. Paul's Jacobite Syrian Church has created this stunning 40ft Christmas tree. A perfect blend of hard work and festive spirit! 🌟 #Christmas2025 #KeralaChristmas pic.twitter.com/BamQu0gItX
— Loka samasta Sukhino Bhavantu (@unnikutan77) December 23, 2025
രാത്രി കാഴ്ചകളിൽ മനോഹരമായി 'ഭീമൻ ട്രീ'
1500-ഓളം എൽ.ഇ.ഡി ലൈറ്റുകളും ട്രീയുടെ ഏറ്റവും മുകളിൽ സ്ഥാപിച്ച നിയോൺ നക്ഷത്രവുമാണ് രാത്രിയിൽ ട്രീയെ ആകർഷകമാക്കുന്നത്. ഇതിനു പുറമെ ട്രീക്ക് സമീപത്തായി ആകർഷകമായ ഗിഫ്റ്റ് ബോക്സുകളും ചെറിയ സാന്താക്ലോസ് രൂപങ്ങളും സജ്ജീകരിച്ചിട്ടുണ്ട്. ഞായറാഴ്ച നടന്ന 'നുഹ്റോ ദ് യെൽദോ' ആഘോഷങ്ങളുടെ ഭാഗമായി വന്ദ്യ ജേക്കബ് ചാലിശ്ശേരി കോർ എപ്പിസ്കോപ്പ ട്രീയുടെ സ്വിച്ച് ഓൺ കർമ്മം നിർവ്വഹിച്ചു.
സെൽഫി പോയിന്റായി പള്ളിമുറ്റം
ട്രീയുടെ സൗന്ദര്യം ആസ്വദിക്കാനും കുടുംബസമേതം ഫോട്ടോകളും സെൽഫികളും പകർത്താനുമായി നിരവധി വിശ്വാസികളാണ് പള്ളിയിലെത്തുന്നത്. ജനുവരി ആറാം തീയതി വരെ ട്രീ പ്രകാശിക്കും.
ചടങ്ങിൽ വികാരി ഫാ. ബിജു മുങ്ങാംകുന്നേൽ, ട്രസ്റ്റി സി.യു. ശലമോൻ, സെക്രട്ടറി ടൈറ്റസ് ഡേവിഡ്, യൂത്ത് അസോസിയേഷൻ വൈസ് പ്രസിഡൻ്റ് സാബു സ്കറിയാച്ചൻ, സെക്രട്ടറി സ്റ്റിനോ വർഗീസ്, ജോ. സെക്രട്ടറി ബ്രയ്റ്റി പി. ബാബു, ട്രഷറർ എബിൻ സി. ശലമോൻ തുടങ്ങിയവർ പങ്കെടുത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.