എടപ്പാൾ: തിരഞ്ഞെടുപ്പ് പ്രചാരണത്തിന് വേറിട്ട മുഖം നൽകി യു.ഡി.എഫ്. സ്വതന്ത്ര സ്ഥാനാർഥിക്ക് വേണ്ടി ചാക്യാർ വീടുകളിൽ വോട്ടു തേടിയെത്തി. മുൻ മുഖ്യമന്ത്രി ഉമ്മൻ ചാണ്ടിയുടെ മകനും യൂത്ത് കോൺഗ്രസ് നേതാവുമായ ചാണ്ടി ഉമ്മൻ്റെ അകമ്പടിയോടെയായിരുന്നു ചാക്യാരുടെ ഈ неരിട്ടുള്ള പ്രചാരണം.
കളിക്കോപ്പും വേഷഭൂഷാദികളോടെ മുഖത്തു ചുട്ടികുത്തി വീടുകളിലേക്ക് ചാക്യാർ കയറി വന്നത് വീട്ടുകാരെ അമ്പരപ്പിച്ചു. ചാക്യാർ ശൈലിയിലുള്ള കുശലാന്വേഷണങ്ങൾക്കു ശേഷമാണ് വരവിൻ്റെ ഉദ്ദേശ്യം വോട്ടർമാർക്ക് മനസ്സിലായത്.
എടപ്പാൾ പഞ്ചായത്ത് തലമുണ്ട വാർഡിലെ യു.ഡി.എഫ്. സ്വതന്ത്ര സ്ഥാനാർഥി ടി.വി. മിനിയുടെ തിരഞ്ഞെടുപ്പ് പ്രചാരണത്തിനായാണ് കലാഭവൻ ഇടവേള റാഫി ചാക്യാർ വേഷത്തിൽ വോട്ട് അഭ്യർഥിക്കാനെത്തിയത്. ഉമ്മൻ ചാണ്ടിയെക്കുറിച്ചും യു.ഡി.എഫ്. ഭരണനേട്ടങ്ങളെക്കുറിച്ചും വിശദീകരിച്ച ശേഷം, മിനിയെ വിജയിപ്പിക്കേണ്ടതിൻ്റെ ആവശ്യകത ചാക്യാർ തൻ്റെ തനത് ശൈലിയിൽ ഉദ്ബോധിപ്പിച്ചു.
വോട്ടു തേടിയുള്ള ചാക്യാരുടെ വരവ് കുട്ടികളടക്കമുള്ള വീട്ടുകാർക്ക് വേറിട്ട അനുഭവമായി. ചായ നൽകിയും സെൽഫിയെടുത്തും വോട്ട് ഉറപ്പു നൽകിയുമാണ് വോട്ടർമാർ ചാക്യാരെ യാത്രയാക്കിയത്. വോട്ടു പിടിക്കാനുള്ള ചാണ്ടി ഉമ്മൻ്റെ ഓട്ടത്തിൽ ചാക്യാർ വലഞ്ഞതും ശ്രദ്ധേയമായി.
ചാണ്ടി ഉമ്മൻ്റെ മണ്ഡല പര്യടനം: തലമുണ്ട വാർഡിലെ പ്രചാരണത്തിന് ശേഷം പൊറൂക്കര വാർഡിൽ മത്സരിക്കുന്ന സി. രവീന്ദ്രൻ, യു.ഡി.എഫ്. ബ്ലോക്ക് സ്ഥാനാർഥി അഡ്വ. കവിത ശങ്കർ, ഒമ്പതാം വാർഡ് സ്ഥാനാർഥി മുഹമ്മദ് കുട്ടി എന്നിവർക്ക് വേണ്ടിയും ചാണ്ടി ഉമ്മൻ വീടുകൾ കയറി വോട്ട് അഭ്യർഥിച്ചു. തുടർന്ന് തട്ടാൻ പടിയിൽ യു.ഡി.എഫ്. നടത്തിയ കുടുംബ സംഗമത്തിൽ പങ്കെടുത്ത ശേഷമാണ് അദ്ദേഹം മടങ്ങിയത്.
അഡ്വ. എ.എം. രോഹിത്, റഫീക്ക് പിലാക്കൽ, ഇ.പി. രാജീവ്, വി.കെ.എ. മജീദ്, രാമനുണ്ണി സി.എം. ഉൾപ്പെടെയുള്ള നേതാക്കൾ പ്രചാരണത്തിന് നേതൃത്വം നൽകി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.