സിറിയയിലെ 70 ഇസ്ലാമിക് സ്റ്റേറ്റ് കേന്ദ്രങ്ങളിൽ അമേരിക്കൻ ആക്രമണം ; സഹായത്തിന് ജോർദാനും.
മൂന്ന് അമേരിക്കക്കാരെ കൊലപ്പെടുത്തിയ ഇസ്ലാമിക് സ്റ്റേറ്റിന്റെ നടപടിക്ക് പ്രതികാരം ചെയ്ത് യു എസ്. സിറിയയിലെ ഇസ്ലാമിക് സ്റ്റേറ്റ് ഓഫ് സിറിയ ആൻഡ് ഇറാഖ് (ഐസിസ് കേന്ദ്രങ്ങളിൽ അമേരിക്ക കൂട്ട ആക്രമണം നടത്തി. 70 ഇസ്ലാമിക് സ്റ്റേറ്റ് കേന്ദ്രങ്ങളിൽ ആണ് ആക്രമണം നടത്തിയത്. 'ഓപ്പറേഷൻ ഹോക്കി സ്ട്രൈക്ക്' എന്നാണ് ഈ ദൗത്യത്തിന് അമേരിക്ക പേര് നൽകിയിരിക്കുന്നത്. ഒരാഴ്ച മുമ്പ് സിറിയയിലെ പാൽമിറയിൽ ഐസിസ് ഭീകരർ രണ്ട് യുഎസ് സൈനികരെയും ഒരു അമേരിക്കൻ വ്യാഖ്യാതാവിനെയും കൊലപ്പെടുത്തിയതിന്റെ പ്രതികാര നടപടിയാണിത്.
ഐസിസ് ഭീകരരെയും ആയുധ ഡിപ്പോകളെയും പ്രവർത്തന കേന്ദ്രങ്ങളെയും നശിപ്പിക്കുക എന്നതാണ് ഓപ്പറേഷൻ സ്ട്രൈക്ക് ലക്ഷ്യമിടുന്നത്. മധ്യ സിറിയയിലുടനീളമുള്ള ഐഎസ് അടിസ്ഥാന സൗകര്യങ്ങളും ആയുധ സംഭരണ കേന്ദ്രങ്ങളും ക്യാമ്പുകളും ആണ് തകർക്കപ്പെട്ടിരിക്കുന്നത്. ആക്രമണത്തിൽ നിരവധി ഐസിസ് ഭീകരരും കൊല്ലപ്പെട്ടിട്ടുണ്ട്.
ജോർദാന്റെ കൂടി സഹായത്തോടെയാണ് അമേരിക്ക സിറിയയിൽ ആക്രമണം നടത്തിയത്. അമേരിക്കയുടെ നിരവധി അതിനൂതന യുദ്ധവിമാനങ്ങളും ജോർദാനിൽ നിന്നുള്ള യുദ്ധവിമാനങ്ങളും പീരങ്കികളും ആക്രമണത്തിൽ ഉപയോഗിച്ചിട്ടുണ്ട്.
യുഎസ് സൈന്യത്തിന്റെ എഫ്-15 ഈഗിൾ ജെറ്റുകൾ, എ-10 തണ്ടർബോൾട്ട് ഗ്രൗണ്ട് അറ്റാക്ക് എയർക്രാഫ്റ്റുകൾ, എഎച്ച്-64 അപ്പാച്ചെ ഹെലികോപ്റ്ററുകൾ എന്നിവ ഉപയോഗിച്ചാണ് ആക്രമണം നടത്തിയതെന്ന് ഉദ്യോഗസ്ഥർ പറഞ്ഞു. ജോർദാനിൽ നിന്നുള്ള എഫ്-16 യുദ്ധവിമാനങ്ങളും ഹിമാർസ് റോക്കറ്റ് പീരങ്കികളും ആക്രമണത്തിനായി ഉപയോഗിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.