കണ്ണൂര്‍: ജില്ലാ പഞ്ചായത്തിലേക്കുള്ള സിപിഎം സ്ഥാനാര്‍ഥികളെ പ്രഖ്യാപിച്ചു. സിപിഎം ജില്ലാ സെക്രട്ടറി കെ.കെ. രാഗേഷാണ് പാര്‍ട്ടിയുടെ സ്ഥാനാര്‍ഥികളെ പ്രഖ്യാപിച്ചത്.
നവീൻ ബാബു വിഷയത്തിൽ പാർട്ടിക്കുള്ളിൽ നിന്നും പുറത്തുനിന്നും വേട്ടയാടപ്പെട്ട മുന്‍ ജില്ലാ പഞ്ചായത്ത് പ്രസിഡന്റ് പി.പി. ദിവ്യയ്ക്ക് ഇത്തവണ സീറ്റില്ല. അതേസമയം, എസ്എഫ്‌ഐ മുന്‍ സംസ്ഥാന പ്രസിഡന്റും സിപിഎം ജില്ലാ കമ്മിറ്റിയംഗവുമായ കെ. അനുശ്രീ പിണറായി ഡിവിഷനില്‍ സ്ഥാനാര്‍ഥിയാകും.
കണ്ണൂര്‍ സര്‍വകലാശാല കാമ്പസിലെ ജേണലിസം വിഭാഗം രണ്ടാംവര്‍ഷ വിദ്യാര്‍ഥിനിയും എസ്എഫ്‌ഐ പേരാവൂര്‍ ഏരിയ സെക്രട്ടറിയുമായ നവ്യ സുരേഷ് പേരാവൂര്‍ ഡിവിഷനില്‍ സ്ഥാനാര്‍ഥിയാകും. ജില്ലാ പഞ്ചായത്ത് വൈസ് പ്രസിഡന്റായ ബിനോയ് കുര്യന്‍ പെരളശ്ശേരിയില്‍നിന്ന് ജനവിധി തേടും.
എല്ലാഘടകങ്ങളും പരിഗണിച്ചുകൊണ്ടാണ് സ്ഥാനാര്‍ഥി പട്ടിക തയ്യാറാക്കിയതെന്ന് സിപിഎം ജില്ലാ സെക്രട്ടറി കെ.കെ. രാഗേഷ് പറഞ്ഞു. പ്രസിഡന്റ് സ്ഥാനാര്‍ഥിയെ മുന്‍കൂട്ടി പറയാറില്ലെന്നും ഈ പാനലില്‍ പ്രസിഡന്റാകാന്‍ കഴിയുന്ന പലരുമുണ്ടെന്നും എല്ലാവരും അതിന് യോഗ്യതയുള്ളവരാണെന്നും അദ്ദേഹം കൂട്ടിച്ചേര്‍ത്തു. ഡിവിഷനുകളും സിപിഎം സ്ഥാനാര്‍ഥികളും- കരിവെള്ളൂര്‍- എ.വി. ലേജു(കരിവെള്ളൂര്‍ പഞ്ചായത്ത് പ്രസിഡന്‍ മാതമംഗലം- രജനിമോഹന്‍ (പയ്യന്നൂര്‍ ബ്ലോക്ക് പഞ്ചായത്ത് അംഗം, സിപിഎം പെരിങ്ങോ ഏരിയ കമ്മിറ്റി അംഗം)
പേരാവൂര്‍- നവ്യ സുരേഷ് (എസ്എഫ്‌ഐ പേരാവൂര്‍ ഏരിയ സെക്രട്ടറി,കണ്ണൂര്‍ യൂണിവേഴ്‌സിറ്റി ജേണലിസം രണ്ടാംവര്‍ഷ വിദ്യാര്‍ഥി) പാട്യം- ടി. ശബ്‌ന (സിപിഎം ജില്ലാ കമ്മിറ്റി അംഗം) പന്ന്യന്നൂര്‍- പി. പ്രസന്ന(സിപിഎം ചെമ്പാട് ലോക്കല്‍ കമ്മിറ്റി അംഗം) കതിരൂര്‍- എ.കെ. ശോഭ (സിപിഎം ലോക്കല്‍ കമ്മിറ്റിയംഗം) പിണറായി- കെ. അനുശ്രീ (സിപിഎം ജില്ലാ കമ്മിറ്റി അംഗം, എസ്എഫ്‌ഐ മുന്‍ സംസ്ഥാന പ്രസിഡന്റ്)
പെരളശ്ശേരി- ബിനോയ് കുര്യന്‍ (സിപിഎം ജില്ലാ കമ്മിറ്റിയംഗം, ജില്ലാ പഞ്ചായത്ത് വൈസ് പ്രസിഡന്റ്) അഞ്ചരക്കണ്ടി- ഒസി ബിന്ദു (സിഐടിയു സംസ്ഥാന സെക്രട്ടറി) കൂടാടി- പിപി റെജി(കുറ്റിയാട്ടൂര്‍ പഞ്ചായത്ത് പ്രസിഡന്റ്) മയ്യില്‍- കെ. മോഹനന്‍ അഴീക്കോട്- കെ.വി. ഷക്കീല്‍ കല്യാശ്ശേരി- വിവി പവിത്രന്‍ ചെറുകുന്ന്- എംവി ഷിമ (ഡിവൈഎഫ്‌ഐ സംസ്ഥാന സെക്രട്ടറിയേറ്റ് അംഗം) പയ്യാരം- പി. രവീന്ദ്രന്‍ കുഞ്ഞിമംഗലം- പിവി ജയശ്രീ ടീച്ചര്‍
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.