ഡബ്ലിൻ: അയർലൻഡിൽ ഇനിയും സാധ്യതയുണ്ടോ?
ആകെ അപേക്ഷകളില്‍ മൂന്നിലൊന്നും ഇതിലാണ് അനുവദിച്ചത്. ആകെ പെര്‍മിറ്റുകളില്‍ പകുതിയും നല്‍കിയിരിക്കുന്നത് തലസ്ഥാനമായ ഡബ്ലിനിലാണ്. പതിമൂന്നു വർഷങ്ങൾക്കു മുൻപ് ഇന്ത്യയിൽനിന്നു വിദ്യാർഥികളെ ആകർഷിക്കാൻ ബിരുദാനന്തര ബിരുദപഠനത്തിനു 10,000 യൂറോ (ഏകദേശം ആറര ലക്ഷം രൂപ)യുടെ സ്‌കോളർഷിപ്പാണ് അയർലൻഡ് വിദ്യാർഥികൾക്ക് വാഗ്ദാനം ചെയ്തത്. അയർലൻഡ് സർക്കാരും ഐറിഷ് യൂണിവേഴ്‌സിറ്റി അസോസിയേഷനും ചേർന്ന് ഏർപ്പെടുത്തിയ സ്കോളർഷിപ് വിദ്യാർഥികളുടെ താമസച്ചെലവും ട്യൂഷൻ ഫീസുമെല്ലാം വഹിക്കാൻ പര്യാപ്തമായിരുന്നു.
കാലം മാറുമ്പോഴും സ്കോളർഷിപ്പിന്റെ കാര്യത്തിൽ ഉദാരമായ സമീപനമാണ് അയർലൻഡ് ഇപ്പോഴും തുടരുന്നത്. അയർലൻഡ് സർക്കാർ നൽകുന്ന ഇന്റർനാഷനൽ എക്സലൻസ് സ്കോളർഷിപ് നുറൂ ശതമാനം ട്യൂഷൻ ഫീസ് ഇളവും ബിരുദാനന്തര ബിരുദ വിദ്യാർഥികൾക്കും റിസർച് മാസ്റ്റേഴ്സിനുമായി ചേരുന്ന അറുപത് മിടുക്കർക്കു മാത്രം 10,000 യൂറോ സ്റ്റൈപൻഡും നേടാനും അവസരമൊരുക്കുന്നു. വിവിധ സർവകലാശാലകൾ മെറിറ്റ് അടിസ്ഥാനത്തിൽ പതിനായിരം യുറോ വരെ വിദ്യാർഥികളുടെ മുൻകാല വിദ്യാഭ്യാസത്തിന്റെ മികവ് അനുസരിച്ചു നൽകുന്നതും പഠനച്ചെലവു കുറയ്ക്കാനും വിദ്യാർഥികളെ സഹായിക്കുന്നു. ചില സർവകലാശാലകളിൽ കോഴ്സിനു ചേരുമ്പോൾ സ്വാഭാവികമായി വിദ്യാർഥികൾക്കു ലഭിക്കുമ്പോൾ മെറിറ്റ് അടിസ്ഥാനമാക്കിയുള്ള സ്കോളർഷിപ്പുകൾക്കായി വേവ്വേറെ അപേക്ഷിക്കേണ്ടതായുണ്ട്.
രാജ്യങ്ങളുടെ നയങ്ങൾ മാറിവരുമ്പോഴും മികച്ച പഠനാവസരം ഒരുക്കുകയാണ് അയർലൻഡ്. മറ്റ്‌ പല വിദേശരാജ്യങ്ങളിലെയും പോലെ തന്നെ വിദ്യാര്‍ഥികള്‍ക്കു പഠിക്കുമ്പോള്‍ത്തന്നെ പാര്‍ട്ട്‌ടൈം ജോലി ചെയ്‌ത്‌ വരുമാനം ഉണ്ടാക്കാന്‍ അയർലൻഡിലും സാധിക്കും. സാധാരണയായി ആഴ്‌ചയില്‍ 20 മണിക്കൂറും വേക്കേഷൻ സമയത്ത് നാൽപതു മണിക്കൂറും പാര്‍ട്ട്‌ടൈം ജോലി ചെയ്യാനുളള അനുമതി വിദ്യാര്‍ഥികള്‍ക്കു നല്‍കിയത് പഠനത്തിനൊത്തുന്ന വിദ്യാർഥികൾക്ക് അനുഗ്രഹമാണ്. ഐടി, ഫാർമസ്യൂട്ടിക്കൽസ്, ആരോഗ്യം, ബയോ മെഡിക്കൽ, ഫിനാൻസ്, ബിസിനസ് അനലിറ്റ്ക്സ് തുടങ്ങിയ മേഖലകളിൽ ജോലിസാധ്യതയും ഏറെയാണെന്നു വിദഗ്‌ധർ ചൂണ്ടിക്കാണിക്കുന്നു. പഠനം കഴിഞ്ഞശേഷം ജോലി കണ്ടെത്താൻ രണ്ടു വർഷം കൂടി അയർലൻഡിൽ തങ്ങാൻ വിദ്യാർഥിവീസയിൽ അനുവാദമുണ്ട്. രണ്ടു വർഷത്തിനുശേഷം റസിഡൻസിക്കും മൂന്നു വർഷത്തിനുള്ളിൽ പൗരത്വത്തിനും അപേക്ഷിക്കാം.
മികച്ച കാലാവസ്ഥ, ആഗോളനിലവാരമുള്ള സര്‍വകലാശാലകള്‍, ഗവേഷണ അവസരങ്ങള്‍, ശാന്തമായ ജീവിതസാഹചര്യം, പഠനത്തിനുശേഷം രാജ്യത്തു തുടരാന്‍ അനുവദിക്കുന്ന പോസ്‌റ്റ്‌-സ്‌റ്റഡി വര്ക്ക് വീസ, ഉയര്‍ന്ന ജീവിതനിലവാരം, എന്നിങ്ങനെ അയർലൻഡിനെ ആകര്‍ഷകമാക്കുന്ന ഘടകങ്ങള്‍ പലതാണ്‌. പ്ലസ് ടുവിനു കുറഞ്ഞത് 60% മാർക്ക് നേടിയ കുട്ടികൾക്കു മുതൽ അനുയോജ്യമായ കോഴ്സുകൾ അയർലൻഡിൽ ലഭ്യമാണ്. ഇംഗ്ലിഷ് ഭാഷയിലെ പ്രാവീണ്യം അളക്കുന്ന IELTS, PTE എന്നിവയിലെ ഉയർന്ന സ്കോർ നിർബന്ധമാണ്.
അയർലൻഡിലേക്ക് ഉപരിപഠനത്തിനായി പോകാന്‍ ആഗ്രഹിക്കുന്ന വിദ്യാര്‍ഥികള്‍ പ്ലസ്ടുവിനു പഠിക്കുന്ന സമയത്തു തന്നെ ഇതിനായുള്ള തയാറെടുപ്പുകള്‍ ആരംഭിക്കുന്നതാണ് അഭികാമ്യം. ഓരോ ഇന്‍ടേക്കിനും കുറഞ്ഞത് ആറു മാസം മുന്‍പെങ്കിലും തയാറെടുപ്പുകള്‍ ആരംഭിക്കണം. അയർലൻഡിലെ പഠനാവസരങ്ങളെക്കുറിച്ച് വിദഗ്ധരോടു ചോദിക്കാം
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.