ന്യൂഡൽഹി: കേരളത്തിലെ സെൻസസ് അനുബന്ധ നടപടികൾ (എസ്ഐആർ) തദ്ദേശ തിരഞ്ഞെടുപ്പ് പൂർത്തിയാകും വരെ നിർത്തിവെക്കാൻ നിർദേശിക്കണമെന്നാവശ്യപ്പെട്ട് സംസ്ഥാന ചീഫ് സെക്രട്ടറി സുപ്രീം കോടതിയെ സമീപിച്ചു. എസ്ഐആറും തദ്ദേശ തിരഞ്ഞെടുപ്പും ഒരേസമയം നടത്തുന്നത് സംസ്ഥാനത്ത് ഭരണസ്തംഭനത്തിന് ഇടയാക്കുമെന്നാണ് ചീഫ് സെക്രട്ടറി ഡോ. ജയതിലക് സുപ്രീം കോടതിയിൽ ഫയൽ ചെയ്ത റിട്ട് ഹർജിയിൽ ചൂണ്ടിക്കാട്ടിയിരിക്കുന്നത്.
ആവശ്യം തിരഞ്ഞെടുപ്പ് നടപടികൾ പൂർത്തിയാകും വരെ
തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് നടപടികൾ നിലവിൽ കേരളത്തിൽ പുരോഗമിക്കുകയാണ്. ഡിസംബർ 21-നകം പുതിയ ഭരണസമിതികൾ അധികാരമേൽക്കേണ്ടതുണ്ട്. ഇത് ഭരണഘടനാപരമായ ബാധ്യതയാണ്.1,75,000 ജീവനക്കാരെയും സുരക്ഷാ ചുമതലകൾക്കായി പോലീസ് ഉൾപ്പെടെ 68,000 ജീവനക്കാരെയുമാണ് വിന്യസിച്ചിട്ടുള്ളത്.എസ്ഐആർ നടപടികൾക്ക് ഏകദേശം 25,658 ജീവനക്കാരെ ആവശ്യമുണ്ട്.ഈ സാഹചര്യത്തിൽ, ഇരു നടപടികളും ഒരേസമയം നടത്തിയാൽ ജീവനക്കാരുടെ വലിയ കുറവ് കാരണം ഭരണപരമായ പ്രതിസന്ധി ഉണ്ടാകുമെന്നാണ് ചീഫ് സെക്രട്ടറി കോടതിയെ അറിയിച്ചത്.
തിരക്കിട്ട നടപടികൾക്ക് സാധ്യതയില്ല
തിടുക്കപ്പെട്ട് എസ്ഐആർ നടപ്പാക്കുകയാണെങ്കിൽ അതിൽ വ്യാപകമായ പിഴവുകൾ ഉണ്ടാകാൻ സാധ്യതയുണ്ടെന്നും ചീഫ് സെക്രട്ടറി ചൂണ്ടിക്കാട്ടി. ഭരണഘടനാപരമായ ബാധ്യതയുള്ള തദ്ദേശ തിരഞ്ഞെടുപ്പിനാണ് നിലവിൽ പ്രഥമ പരിഗണന നൽകേണ്ടതെന്നും ഹർജിയിൽ ആവശ്യപ്പെടുന്നു.
ചീഫ് സെക്രട്ടറിക്കുവേണ്ടി സ്റ്റാന്റിങ് കോൺസൽ സി.കെ. ശശിയാണ് സുപ്രീം കോടതിയിൽ റിട്ട് ഹർജി ഫയൽ ചെയ്തത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.