തൃപ്പൂണിത്തുറ: ചരിത്രത്തിലാദ്യമായി തൃപ്പൂണിത്തുറ പൂർണ്ണത്രയീശ ക്ഷേത്രത്തിൽ ഉത്സവത്തിരക്ക് നിയന്ത്രിക്കുന്നതിനായി സ്വകാര്യ സുരക്ഷാ ഉദ്യോഗസ്ഥരെ ('ബൗൺസേഴ്‌സ്') നിയോഗിച്ചു. പോലീസിന്റെ സാന്നിധ്യം കുറഞ്ഞ പശ്ചാത്തലത്തിൽ, അഭൂതപൂർവമായ ഭക്തജനത്തിരക്ക് കൈകാര്യം ചെയ്യുന്നതിനായാണ് ദേവസ്വം ഭരണസമിതിയുടെ അനുമതിയോടെ ഈ പുതിയ സംവിധാനം ഏർപ്പെടുത്തിയത്.
കഴിഞ്ഞ മൂന്ന് ദിവസമായി ക്ഷേത്രപരിസരത്ത് ഇവരുടെ സാന്നിധ്യമുണ്ട്. ഏറ്റവും കൂടുതൽ തിരക്കനുഭവപ്പെട്ട ശനിയാഴ്ച 15 ബൗൺസേഴ്‌സിനെയാണ് നിയോഗിച്ചത്. ഞായറാഴ്ചയും തിങ്കളാഴ്ചയും രാത്രി എഴുന്നള്ളിപ്പ് സമയത്ത്, ആനകളുടെ സമീപത്തേക്ക് ആരും എത്താത്തവിധം സുരക്ഷയൊരുക്കാൻ പത്തോളം പേർ നിലയുറപ്പിച്ചു. ഭക്തർ ആനകളുടെ കൊമ്പിൽ വരെ മുട്ടിനിൽക്കുന്ന സാഹചര്യമുണ്ടായതാണ് ഇത്തരമൊരു നടപടിക്ക് അധികൃതരെ പ്രേരിപ്പിച്ചത്.
പോലീസ് സാന്നിധ്യക്കുറവ് പ്രധാന കാരണം
ഉത്സവസ്ഥലത്തെ പോലീസ് സാന്നിധ്യം തീരെ കുറവായതാണ് തിരക്ക് നിയന്ത്രിക്കാൻ ബൗൺസേഴ്‌സിനെ വെക്കാൻ ദേവസ്വത്തെ നിർബന്ധിതരാക്കിയതെന്ന് അധികൃതർ വ്യക്തമാക്കി. മുൻ വർഷങ്ങളിൽ ഉത്സവ ദിനങ്ങളിൽ വനിതാ പോലീസ് ഉൾപ്പെടെ ആവശ്യത്തിന് പോലീസുകാരുണ്ടായിരുന്നു.
ഒരു വ്യക്തിക്ക് 1500 രൂപ നിരക്കിലാണ് പ്രതിഫലം നൽകുന്നത്. രാത്രി ഏഴുമുതൽ പുലർച്ചെ രണ്ടുമണിവരെയാണ് ഇവർക്ക് ഡ്യൂട്ടി. കറുത്ത പാന്റ്‌സും ബനിയനും ധരിച്ച് കഴുത്തിൽ കാവി ഷാളുമണിഞ്ഞാണ് ബൗൺസർമാർ ഭക്തരെ നിയന്ത്രിക്കുന്നത്. തിങ്കളാഴ്ച രാത്രിയും ക്ഷേത്രത്തിൽ വൻതിരക്ക് അനുഭവപ്പെട്ടു. ഉത്സവം ഇനി രണ്ടുദിവസം കൂടി തുടരും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.