ബെംഗളൂരു വിമാനത്താവളത്തിലെ നമസ്കാരം: ടെർമിനൽ 2-ൽ രാഷ്ട്രീയ വിവാദം; കോൺഗ്രസ് സർക്കാരിനെതിരെ ബി.ജെ.പി.

 ബെംഗളൂരു: ബെംഗളൂരുവിലെ കെംപെഗൗഡ അന്താരാഷ്ട്ര വിമാനത്താവളത്തിലെ (കെ.ഐ.എ.) ടെർമിനൽ 2-നുള്ളിൽ ആളുകൾ നമസ്‌കരിക്കുന്നതിന്റെ വീഡിയോ സാമൂഹിക മാധ്യമങ്ങളിൽ പ്രചരിച്ചതോടെ കർണാടകയിൽ വലിയ രാഷ്ട്രീയ കൊടുങ്കാറ്റ് ഉയർന്നു. ബി.ജെ.പി. നേതാവ് വിജയ് പ്രസാദ് പങ്കുവെച്ച ഈ ക്ലിപ്പ് അതിവേഗം വൈറലാവുകയും പാർട്ടിയുടെ കടുത്ത വിമർശനത്തിന് വഴിയൊരുക്കുകയും ചെയ്തു.

കോൺഗ്രസ് സർക്കാരിനെതിരെ ബി.ജെ.പി.

ടെർമിനലിനുള്ളിലെ ഈ നടപടി എങ്ങനെ അനുവദിക്കപ്പെട്ടു എന്ന് ചോദ്യം ചെയ്തുകൊണ്ട് കർണാടക ബി.ജെ.പി.  കോൺഗ്രസ് സർക്കാരിനെതിരെ ആഞ്ഞടിച്ചു . മുഖ്യമന്ത്രി സിദ്ധരാമയ്യ, മന്ത്രി പ്രിയങ്ക് ഖാർഗെ എന്നിവർ ഈ വിഷയത്തിൽ ഉത്തരം നൽകണമെന്ന് പാർട്ടി ആവശ്യപ്പെട്ടു

How is this even allowed inside the T2 Terminal of Bengaluru International Airport?
Hon’ble Chief Minister @siddaramaiah and Minister @PriyankKharge do you approve of this?

Did these individuals obtain prior permission to offer Namaz in a high-security airport zone?
Why is it… pic.twitter.com/iwWK2rYWZa

— Vijay Prasad (@vijayrpbjp) November 9, 2025

.

ഒരു പ്രത്യേക സമുദായത്തെ അനുനയിപ്പിക്കാനുള്ള കോൺഗ്രസ് സർക്കാരിന്റെ 'ഇരട്ടത്താപ്പ്' നയമാണ് ഇതിലൂടെ വ്യക്തമാകുന്നതെന്ന് വിജയ് പ്രസാദ് ആരോപിച്ചു. ഉയർന്ന സുരക്ഷാ മേഖലയായ വിമാനത്താവളത്തിനകത്ത് ഇത്തരം പ്രവർത്തനങ്ങൾ അനുവദിക്കുമ്പോൾ, ആർ.എസ്.എസ്. പരിപാടികൾക്ക് ഇതേ സർക്കാർ എതിർപ്പുയർത്തുന്നത് വിരോധാഭാസമാണെന്നും അദ്ദേഹം പറഞ്ഞു. വിമാനത്താവള ടെർമിനലിനുള്ളിൽ നമസ്കാരത്തിന് അനുമതി നൽകിയിട്ടുണ്ടോ എന്ന കാര്യത്തിൽ വ്യക്തത വരുത്തണമെന്ന് ബി.ജെ.പി. ആവശ്യപ്പെട്ടു. ഇതൊരു പൊതുജന ശ്രദ്ധ ആവശ്യമുള്ള വിഷയമാണെന്നും പാർട്ടി കൂട്ടിച്ചേർത്തു.

വിമാനത്താവളം ബി.ഐ.എ.എൽ. ഭരണത്തിന് കീഴിൽ

ബി.ജെ.പി. ഈ വിഷയത്തിൽ സംസ്ഥാന സർക്കാരിനെതിരെ ആരോപണമുന്നയിക്കുമ്പോഴും, ബെംഗളൂരു വിമാനത്താവളത്തിന്റെ നടത്തിപ്പ് ബെംഗളൂരു ഇന്റർനാഷണൽ എയർപോർട്ട് ലിമിറ്റഡിന്റെ (ബി.ഐ.എ.എൽ.) കീഴിലാണ്. ഒരു പൊതു-സ്വകാര്യ സംരംഭമാണ് ബി.ഐ.എ.എൽ.