മെഡിസെപ്പ് പ്രീമിയം വർദ്ധനവ്: 'പെൻഷൻകാരോടുള്ള കൊടും വഞ്ചന' - കേരള സ്റ്റേറ്റ് പെൻഷനേഴ്‌സ് സംഘ്

 മലപ്പുറം : ഇൻഷുറൻസ് പ്രീമിയത്തിന്മേലുള്ള 18% ജിഎസ്ടി കേന്ദ്രസർക്കാർ ഒഴിവാക്കിയ പശ്ചാത്തലത്തിലും, മെഡിസെപ്പ് (MEDISEP) ആരോഗ്യ ഇൻഷുറൻസ് പദ്ധതിയുടെ പ്രീമിയം 500 രൂപയിൽ നിന്ന് 810 രൂപയായി വർദ്ധിപ്പിക്കാനുള്ള സംസ്ഥാന സർക്കാരിന്റെ നീക്കം ജീവനക്കാരോടും പെൻഷൻകാരോടും ചെയ്യുന്ന കൊടും വഞ്ചനയാണെന്ന് കേരള സ്റ്റേറ്റ് പെൻഷനേഴ്‌സ് സംഘ് (KSPS) സംസ്ഥാന ജനറൽ സെക്രട്ടറി അഡ്വ. ജയഭാനു.പി.

പെൻഷനേഴ്‌സ് സംഘ് ജില്ലാ കമ്മിറ്റി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

 ഡി.എ. കുടിശ്ശികയും ശമ്പള പരിഷ്കരണവും ഉടനടി നടപ്പാക്കണം

ജീവനക്കാരുടെയും പെൻഷൻകാരുടെയും സാമ്പത്തിക ആവശ്യങ്ങൾ എത്രയും പെട്ടെന്ന് പരിഹരിക്കണമെന്ന് അഡ്വ. ജയഭാനു ആവശ്യപ്പെട്ടു.

• നിലവിൽ കുടിശ്ശികയുള്ള ക്ഷാമബത്ത (D.A. Arrear), ക്ഷാമബത്തയുടെ കുടിശ്ശിക (D.A. Arrear) എന്നിവ ഉടൻ അനുവദിക്കുക
  .
• ദീർഘകാലമായി തീർപ്പാക്കാത്ത പെൻഷൻ, ശമ്പള പരിഷ്കരണ നടപടികൾ കാലതാമസം കൂടാതെ ആരംഭിക്കുക.

ജില്ലാ പ്രസിഡൻ്റ് പ്രൊഫ. പി. രാമൻ അധ്യക്ഷത വഹിച്ച യോഗത്തിൽ സംസ്ഥാന വൈസ് പ്രസിഡൻ്റ് കെ. കൃഷ്ണൻ, സെക്രട്ടറി എ. പി. രാധാകൃഷ്ണൻ, ജില്ലാ സെക്രട്ടറി എൻ. വിജയൻ, ട്രഷറർ ഉണ്ണികൃഷ്ണൻ. സി. എം എന്നിവരും സംസാരിച്ചു. ഡോ. ജീജാ രമണി, രമാദേവി, ഉണ്ണീരി കുട്ടി, എൻ. ചന്ദ്രൻ, കെ. ജയരാമൻ, കെ. പ്രേമാനന്ദൻ, പി. തമ്പുരാൻ, ടി. പുഷ്പൻ, സി. പുരുഷോത്തമൻ, പി. കെ. ബാലസുബ്രഹ്മണ്യൻ, ബാലകൃഷ്ണൻ. കെ. പി, സതീഷ് നാഥ്. വി, കെ. വിവേകാനന്ദൻ, രാമചന്ദ്രൻ പാണ്ടിക്കാട് എന്നിവർ ചർച്ചകളിൽ പങ്കെടുത്തു.

ശബരിമല സ്വർണ്ണക്കൊള്ള: സി.ബി.ഐ. അന്വേഷണം വേണമെന്ന് പ്രമേയം

യോഗം പാസ്സാക്കിയ പ്രമേയത്തിലൂടെ, ശബരിമലയിലും മറ്റ് ദേവസ്വം ക്ഷേത്രങ്ങളിലും നടന്നുവരുന്ന സ്വർണ്ണക്കൊള്ളയെക്കുറിച്ചും അഴിമതികളെക്കുറിച്ചും സി.ബി.ഐ. അന്വേഷണം നടത്തണമെന്ന് കേന്ദ്ര-സംസ്ഥാന സർക്കാരുകളോട് ആവശ്യപ്പെട്ടു. എൽഡിഎഫ്, യുഡിഎഫ് മുന്നണികൾ ഹൈന്ദവ സമൂഹത്തിൻ്റെ വിശ്വാസത്തെ ചവിട്ടിമെതിച്ചു എന്നും പ്രമേയത്തിൽ ആരോപിച്ചു.