പ്രവാസി മലയാളികളെ ഞെട്ടിച്ചുകൊണ്ട് മറ്റൊരു മരണവാർത്ത കൂടി..!

എറണാകുളം ;യുകെ മലയാളി ഹൃദയാഘാതം മൂലം വെയിൽസിലെ കാർഡിഫിൽ അന്തരിച്ചു.

കഴിഞ്ഞ രണ്ട് വർഷമായി കാർഡിഫിലെ ക്ലിഫ്ടൺ റോഡിൽ താമസിച്ചു വരികയായിരുന്ന റെജി ജോർജ് (48) ആണ് ഹൃദയാഘാതം മൂലം ചൊവ്വാഴ്ച മരിച്ചത്. മകൻ ആൽബി (16) യോടൊപ്പം ആണ് താമസിച്ചിരുന്നത്.

എറണാകുളം ജില്ലയിലെ മൂവാറ്റുപുഴ മാറാടി കയനാട് സ്വദേശിയായ റെജി തച്ചുകുന്നേൽ കുടുംബാംഗമാണ്. 2009ൽ യുകെയിലെ സൗത്തെൻഡിൽ എത്തിയ റെജി രണ്ട് വർഷം മുൻപാണ് കാർഡിഫിൽ എത്തിയത്.പരേതരായ ടി.എസ്. ജോർജ്, സറാമ്മ ജോർജ് എന്നിവരാണ് മാതാപിതാക്കൾ.

റെജിയുടെ മരണത്തെ തുടർന്ന് യുകെയിലെ ഹാംഷെയറിലുള്ള സഹോദരൻ റിജോയും റിജോയുടെ ഭാര്യ ജിസയും കാർഡിഫിൽ എത്തിയിട്ടുണ്ട്. റെജിയുടെ മൃതദേഹം നാട്ടിൽ കൊണ്ടുപോകുവാനാണ് കുടുംബാംഗങ്ങളുടെ തീരുമാനം. അതിനായുള്ള ക്രമീകരണങ്ങൾ നടന്നു വരുന്നു. സംസ്കാരം പിന്നീട് കയനാട് സെന്റ് ജോർജ് യാക്കോബായ പള്ളിയിൽ നടക്കും.