വാഗമൺ സന്ദർശിച്ചു മടങ്ങുന്നതിനിടയിൽ ട്രാവലര്‍ നിയന്ത്രണം വിട്ട് അപകടം...!

മൂലമറ്റം: വിനോദ സഞ്ചാരികള്‍ സഞ്ചരിച്ച ട്രാവലര്‍ നിയന്ത്രണം വിട്ട് തിട്ടയില്‍ ഇടിച്ച് നിന്നു.

വന്‍ അപകടം ഒഴിവായി. ബുധനാഴ്ച 10.30ഓടു കൂടി ഇടാട് അന്ത്യം പറക്കു സമീപമാണ് അപകടമുണ്ടായത്. തൃശ്ശൂര്‍ സ്വദേശികളായ യാത്രക്കാരാണ് വാഹനത്തില്‍ ഉണ്ടായിരുന്നത്. വാഗമണ്‍ സന്ദര്‍ശിച്ച് തിരികെ വരുമ്പോഴാണ് അപകടം. 17 യാത്രക്കാരാണ് വാഹനത്തില്‍ ഉണ്ടായിരുന്നത്.

ഓടി കൂടിയ നാട്ടുകാര്‍ മൂലമറ്റത്ത് നിന്ന് മറ്റൊരു വാഹനം വിളിച്ച് യാത്രക്കാരെ പറഞ്ഞയച്ചു. വാഗമണ്‍ ഇറക്കം ഇറങ്ങി വരുന്ന ട്രാവലറുകള്‍ക്ക് നിയന്ത്രണം കിട്ടാതെ നിരവധി അപകടങ്ങള്‍ ഉണ്ടാകുന്നത് പതിവാണെന്ന് നാട്ടുകാര്‍ പറഞ്ഞു.