ആലിപ്പറമ്പ്: തൂതപ്പുഴയുടെ ഒഴുക്കില്പ്പെട്ട പതിനേഴുകാരിയുടെ ജീവന് രക്ഷിച്ച് തൂത അമ്പലക്കുന്നിലെ ഇരുപത്തിരണ്ടുകാരി ശ്രേയ.30-ന് വൈകീട്ട് നാലോടെയാണ് സംഭവം.
മാതാവിന്റെയും ബന്ധുക്കളുടെയുംകൂടെ തൂതപ്പുഴയിലെ അമ്പലക്കുന്ന് കടവില് കുളിക്കുന്നതിനിടെയാണ് നാജിയ ഒഴുക്കില്പ്പെട്ടത്. നാജിയ ഒഴുക്കില്പ്പെട്ടതറിഞ്ഞതോടെ ഒപ്പമുണ്ടായിരുന്നവര് ബഹളംവെക്കുകയായിരുന്നു. പുഴക്കടവിനു സമീപത്തുള്ള ബന്ധുവീട്ടിലേക്ക് വന്ന ശ്രേയ പുഴയിലെ നിലവിളി കേട്ട് കടവിലേക്ക് ഓടിച്ചെല്ലുകയായിരുന്നു.
നീന്തുന്നതിനിടെ കല്ലില് ചവിട്ട് കിട്ടിയതോടെ നാജിയയെ ചേര്ത്തുപിടിച്ച് കല്ലില് നില്ക്കാന് സാധിച്ചു. പിന്നീട് കരയിലുണ്ടായിരുന്ന നാജിയയുടെ മാതാവ് ഷാള് എറിഞ്ഞുകൊടുത്ത് നാജിയയെ കരയിലേക്കു കയറ്റി. 'ആ ഉമ്മയുടെ അവസ്ഥ ആലോചിച്ചപ്പോള് വേറൊന്നും ആലോചിച്ചില്ല. കൃഷ്ണാന്നും വിളിച്ച് പുഴയിലേക്ക് എടുത്തുചാടി ആ കുട്ടിയെ വാരിപ്പിടിച്ചു'- സംഭവത്തെക്കുറിച്ച് ശ്രേയ പറഞ്ഞു.
ശ്രീകാന്ത്, ശ്രീഷ്മ എന്നിവര് സഹോദരങ്ങളാണ്. നജീബ് കാന്തപുരം എംഎല്എ, തൂത യൂത്ത് വിങ് ക്ലബ്, തെക്കേപ്പുറം പ്രദേശവാസികള്, സിപിഎം, ഡിവൈഎഫ്ഐ കമ്മിറ്റികള് എന്നിവര് ശ്രേയയെ അഭിനന്ദിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.