മഞ്ചേരി: മലപ്പുറം മഞ്ചേരിയിലെ ഇരുനില കെട്ടിടത്തിൻ്റെ തുറന്ന ടെറസിൽ മനുഷ്യൻ്റെ അസ്ഥികൂടം കണ്ടെത്തിയത് ദുരൂഹത വർദ്ധിപ്പിച്ചു. ചെരണിയിലെ പ്ലൈവുഡ് റോഡിൽ സ്ഥിതിചെയ്യുന്ന ഈ കെട്ടിടത്തിൻ്റെ മുകളിലാണ് പല ഭാഗങ്ങളായി ചിതറിക്കിടക്കുന്ന നിലയിൽ അസ്ഥികൂടത്തിൻ്റെ അവശിഷ്ടങ്ങൾ കണ്ടെത്തിയത്. പ്രാഥമിക അന്വേഷണത്തിൽ അസ്ഥികൂടത്തിന് കുറച്ച് പഴക്കമുള്ളതായി പോലീസ് സ്ഥിരീകരിച്ചു.
ടെറസിന് മുകളിൽ പഴയ സാധനങ്ങൾ കൂട്ടിയിട്ടിരിക്കുന്ന നിലയിലായിരുന്നു. ഈ കൂമ്പാരങ്ങൾക്കിടയിലാണ് അസ്ഥികൂടത്തിൻ്റെ ഭാഗങ്ങൾ കണ്ടെത്തിയത്. നിലവിൽ തമിഴ്നാട്ടിൽ നിന്നുള്ള അതിഥി തൊഴിലാളികളാണ് ഈ കെട്ടിടത്തിൽ താമസിച്ചിരുന്നത്. എന്നാൽ, ഇതിനുമുമ്പ് ഇതേ സ്ഥലത്ത് ഒരു തമിഴ്നാട് കുടുംബം താമസിച്ചിരുന്നതായും പോലീസ് അറിയിച്ചു. ഈ കുടുംബത്തെക്കുറിച്ചും പോലീസ് അന്വേഷണം ആരംഭിച്ചിട്ടുണ്ട്.
അസ്ഥികൂടം ആരുടേതാണെന്നോ എങ്ങനെ ഇവിടെയെത്തി എന്നതിനെക്കുറിച്ചോ വ്യക്തമായ വിവരങ്ങൾ ലഭ്യമല്ല. സംഭവത്തെ തുടർന്ന് പോലീസ് കൂടുതൽ അന്വേഷണം ആരംഭിച്ചു. വിശദമായ പരിശോധനകൾക്കായി ഫോറൻസിക് വിഭാഗം ബുധനാഴ്ച സ്ഥലത്തെത്തി തെളിവുകൾ ശേഖരിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.