എൻ ആർ ഇ ജി വർക്കേഷസ് യൂണിയൻ വെള്ളൂർ മേഖല കമ്മറ്റിയുടെ നേതൃത്വത്തിൽ തൊഴിലുറപ്പ് തൊഴിലാളികൾ പ്രതിഷേധ ധർണ്ണ നടത്തി

വൈക്കം:തൊഴിലുറപ്പ് പദ്ധതിയെ തകർക്കുന്ന കേന്ദ്രസർക്കാർ നയങ്ങൾ തിരുത്തുക,

തൊഴിൽ ദിനങ്ങൾ ഉറപ്പ് വരുത്തുക, തൊഴിലുറപ്പ് ദിനങ്ങൾ നഷ്ടപ്പെടുത്തുന്ന അശാസ്ത്രിയ നിയമങ്ങൾ പിൻവലിക്കുക, വേതനം കുടിശികയില്ലാതെ സമയബന്ധിതമായി നൽകുക, എൻ എം എം എസിലെ അപാകതകൾ പരിഹരിക്കുക,മൂന്ന് വർഷം മുന്നേ തൊഴിൽ ചെയ്ത ഭൂമിയിൽ മാത്രമേ തൊഴിൽ അനുവദിക്കു എന്ന നിയമം പിൻവലിക്കുക തുടങ്ങി നിരവധി ആവശ്യങ്ങൾ ഉന്നയിച്ചുകൊണ്ട് നൂറുകണക്കിന് തൊഴിലാളികൾ പങ്കെടുത്ത് എൻ ആർ ഇ ജി യൂണിയൻ വെള്ളൂർ മേഖല കമ്മറ്റിയുടെ നേതൃത്വത്തിൽ തൊഴിലുറപ്പ് തൊഴിലാളികളുടെ റാലിയും പ്രതിഷേധ ധർണ്ണയും നടത്തി. 

വെള്ളൂർ സ്റ്റേറ്റ് ബാങ്കിന് മുൻപിൽ നടന്ന ധർണ്ണ എൻ ആർ ഇ ജി വർക്കേഷസ് യൂണിയൻ ജില്ലാ സെക്രട്ടറി കെ രാജേഷ് ഉത്ഘാടനം ചെയ്തു യൂണിയൻ മേഖല പ്രസിഡന്റ് ഷിജി സജി അധ്യക്ഷത വഹിച്ചു ഏരിയ സെക്രട്ടറി എ പി ജയൻ, പ്രസിഡന്റ് ജയ അനിൽ, ജില്ലാ കമ്മറ്റി അംഗം വി എൻ ബാബു, എ കെ രജിഷ്, ആർ രോഹിത് പി ആർ രതീഷ്,ലിസ്സി സണ്ണി എന്നിവർ സംസാരിച്ചു യൂണിയൻ മേഖല സെക്രട്ടറി ആർ നികിതകുമാർ സ്വാഗതവും സച്ചിൻ കെ എസ് നന്ദിയും പറഞ്ഞു