പ്രചരിക്കുന്നത് വ്യാജ വാര്‍ത്ത: ട്രാൻസ്പോർട്ട് കമ്മീഷണർ

"പ്രചരിക്കുന്നത് വ്യാജ വാര്‍ത്ത" :  ഫേസ് ബുക്കില്‍ പുറത്തിറക്കിയ മോട്ടോർ വാഹന വകുപ്പിന്റെ പത്രക്കുറിപ്പ് കാണുക 

മോട്ടോർ വാഹന വകുപ്പിന്റെ പത്രക്കുറിപ്പ്

മോട്ടോർ വാഹന വകുപ്പിന്റെ  വാഹനങ്ങൾക്കെതിരെ പുറപ്പെടുവിച്ച ഇ-ചലാൻ റദ്ദാക്കാൻ ആലോചിക്കുന്നതായി ചില സോഷ്യൽ മീഡിയ ചാനലുകളിൽ വ്യാജ വാർത്തകൾ പ്രചരിക്കുന്നതായി മനസ്സിലാക്കുന്നു. പൊതുജന താല്പര്യത്തിനും നിയമവ്യവസ്ഥയ്ക്കും വിരുദ്ധമായതും തികച്ചും അടിസ്ഥാനരഹിതവുമായ ഒരു കിംവദന്തിയാണിത്. മോട്ടോർ വാഹന വകുപ്പിൽ അത്തരമൊരു നിർദ്ദേശമോ ചർച്ചയോഉണ്ടായിട്ടില്ല. മോട്ടോർ വാഹന നിയമ ലംഘനങ്ങളുടെ പേരിൽ ഈ വകുപ്പിലെ വാഹനങ്ങൾക്കെതിരെ പോലും പുറപ്പെടുവിച്ച  ചലാനുകൾ വകുപ്പ് ഗൗരവമായി കാണുന്നു. ഒരിക്കൽ പുറപ്പെടുവിച്ച  ചലാനുകൾ റദ്ദാക്കാൻ ബഹുമാനപ്പെട്ട കോടതികൾക്ക് മാത്രമേ നിയമപരമായ അധികാരം ഉള്ളൂ. ജനങ്ങളെ തെറ്റിദ്ധരിപ്പിക്കാനും  നിയമലംഘനങ്ങൾ പ്രോത്സാഹിപ്പിക്കാനും മാത്രം ഉദ്ദേശിച്ചാണ് ഈ വ്യാജവാർത്ത സൃഷ്ടിച്ചിരിക്കുന്നത്. മോട്ടോർ വാഹന വകുപ്പിലെ ഡ്രൈവർമാർ ഉൾപ്പെടെ എല്ലാ റോഡ് ഉപയോക്താക്കളും നിയമങ്ങൾക്ക് വിധേയരാണ്. റോഡ് നിയമങ്ങൾ പാലിക്കാതിരിക്കുന്നത് പൊതുജന സുരക്ഷയ്ക്ക് ഹാനികരമാണ്.

ഇത്തരം വ്യാജവാർത്തകളിൽ ഒരു തരി പോലും സത്യമില്ലെന്ന് ആവർത്തിക്കുന്നു.

ട്രാൻസ്പോർട്ട് കമ്മീഷണർ