ഈരാറ്റുപേട്ട നഗരസഭാ മാതാക്കൽ ഡിവിഷൻ ഗ്രാമോത്സവം 13 ന്

ഈരാറ്റുപേട്ട: ഈരാറ്റുപേട്ട നഗരസഭാ മാതാക്കൽ ഡിവിഷൻ ഗ്രാമോത്സവം ഈ മാസം 13 ന് (ശനിയാഴ്ച) മാതാക്കലിൽ നടക്കുമെന്ന് ഡിവിഷൻ ഡിവിഷൻ കൗൺസിലർ എസ്.കെ. നൗഫൽ അറിയിച്ചു.

ഉച്ചക്ക് രണ്ട് മണിക്ക് ആരംഭിക്കുന്ന മത്സര പരിപാടികൾക്കു ശേഷം വൈകുന്നേരം ഏഴിന് സാംസ്കാരിക സമ്മേളനം നടക്കും. സമ്മേളനത്തിൽ വിവിധ മേഖലകളിലുള്ളവരെ ആദരിക്കും.

വിവിധ നാടൻ കലാ കായിക മത്സരങ്ങൾ ഇതോടനുബന്ധിച്ച് സംഘടിപ്പിച്ചിട്ടുണ്ട്. പരിപാടിയുടെ വിജയത്തിനായി വിവിധ രാഷ്ട്രീയ സാമൂഹിക പ്രവർത്തകരെ ഉൾപ്പെടുത്തി ജലാൽ മാതാക്കൽ രക്ഷാധികാരിയായി സംഘാടക സമിതി രൂപീകരിച്ചു.