ആലപ്പുഴ: കായംകുളത്ത് നാലരവയസ്സുകാരനെ ചട്ടുകംകൊണ്ട് പൊള്ളലേല്പ്പിച്ചെന്ന പരാതിയില് അമ്മ അറസ്റ്റില്. കുട്ടിയുടെ മുത്തശ്ശി നല്കിയ മൊഴിയുടെ അടിസ്ഥാനത്തിലാണ് അമ്മയെ പോലീസ് അറസ്റ്റ് ചെയ്തത്. ഒരാഴ്ച മുന്പായിരുന്നു കേസിനാസ്പദമായ സംഭവം.
പൊള്ളലേറ്റ കുട്ടിയെ അമ്മ തന്നെയാണ് ആശുപത്രിയില് എത്തിച്ചത്. കുട്ടി ദോശക്കല്ലില് ഇരുന്നപ്പോള് പൊള്ളലേറ്റെന്നാണ് അമ്മ പറഞ്ഞിരുന്നത്. എന്നാല്, സംശയം തോന്നിയതോടെ ആശുപത്രി അധികൃതര് പോലീസില് വിവരമറിയിച്ചു. തുടര്ന്നുള്ള അന്വേഷണത്തിലാണ് കുട്ടിയെ ചട്ടുകംകൊണ്ട് പൊള്ളിച്ചതാണെന്ന് പ്രതിയുടെ ഭര്തൃമാതാവ് പോലീസിന് മൊഴി നല്കിയത്.
എന്നാല്, പ്രതിയും ഭര്തൃമാതാവും തമ്മിലുള്ള തര്ക്കത്തെ തുടര്ന്നാണോ ഇങ്ങനെ മൊഴി നല്കിയതെന്ന് പോലീസ് സംശയിച്ചിരുന്നു. തുടര്ന്ന് വിശദമായ അന്വേഷണം നടത്തി ശനിയാഴ്ച രാവിലെ കുട്ടിയുടെ അമ്മയെ വിളിച്ചുവരുത്തുകയും ഇവരുടെ അറസ്റ്റ് രേഖപ്പെടുത്തുകയുമായിരുന്നു. നിക്കറില് മലമൂത്രവിസര്ജനം നടത്തിയതിനാണ് കുട്ടിയെ അമ്മ ചട്ടുകംകൊണ്ട് പൊള്ളലേല്പ്പിച്ചതെന്നാണ് വിവരം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.