മലപ്പുറം : ജില്ലാ പഞ്ചായത്ത് ഭിന്നശേഷിക്കാരെ ചേർത്തുപിടിക്കുന്ന പദ്ധതികളുടെ ഭാഗമായി അവർക്കുള്ള ഈ വർഷത്തെ മുച്ചക്ര സ്കൂട്ടർ വിതരണം നാളെ (ചൊവ്വ) പ്രതിപക്ഷ നേതാവ് വി.ഡി.സതീശൻ നിർവഹിക്കും.90 ലക്ഷം രൂപ വകയിരുത്തി 80 പേർക്കാണ് സ്കൂട്ടർ അനുവദിച്ചിട്ടുള്ളത്.
ഇവരിൽ 62 പേരാണ് രേഖകൾ ഹാജരാക്കിയുള്ള യോഗ്യതാ നടപടികൾ പൂർത്തിയാക്കിയത്. വാഹനം കൈമാറുന്നതിനു മുമ്പ് തന്നെ രജിസ്ട്രേഷൻ നടപടികൾ പൂർത്തിയാക്കണം എന്നുള്ള സർക്കാർ നിബന്ധനയുള്ളതിനാൽ ഈ നടപടിക്രമങ്ങൾ പൂർത്തിയാക്കിയ 44 പേർക്കാണ് പ്രതിപക്ഷ നേതാവ് സ്കൂട്ടറുകൾ വിതരണം ചെയ്യുക.
നിലവിലുള്ള ഭരണസമിതിയുടെ കാലയളവിൽ ഇതോടെ 347 പേർക്ക് ഇലക്ട്രിക് വീൽചെയറുകളും ജില്ലാ പഞ്ചായത്ത് വിതരണം ചെയ്തിട്ടുണ്ട്.3.45 കോടി രൂപ അടങ്കലിൽ ജില്ലാ , ഗ്രാമ, ബ്ലോക്ക് പഞ്ചായത്ത് സംയുക്തമായിട്ടാണ് പദ്ധതി വിഭാവനം ചെയ്തത് .
മലപ്പുറം കുന്നുമ്മൽ ടൗൺഹാൾ പരിസരത്ത് വെച്ച് കാലത്ത് 10. 30 നാണ് മുച്ചക്ര സ്കൂട്ടർ വിതരണ പരിപാടി. ചടങ്ങിൽ മലപ്പുറം എം എൽ എ പി ഉബൈദുള്ള, വണ്ടൂർ എം എൽ എ . എ പി അനിൽകുമാർ എന്നിവർ പങ്കെടുക്കുമെന്ന് ജില്ലാ പഞ്ചായത്ത് പ്രസിഡന്റ് എം കെ റഫീഖ, വൈസ് പ്രസിഡന്റ് ഇസ്മായിൽ മുത്തേടം എന്നിവർ അറിയിച്ചു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.