നിശ്ചയദാർഢ്യത്തിന് ബിജെപി ലക്ഷദ്വീപ് ഘടകത്തിൻ്റെ ആദരം; സബീനയ്ക്ക് ക്യാഷ് അവാർഡ് നൽകി ​ആദരിച്ചു.

അമിനി : ജീവിതത്തിലെ പ്രതിസന്ധികളെ ഇച്ഛാശക്തികൊണ്ട് അതിജീവിച്ച സബീന കാലിദിന് ബിജെപി ലക്ഷദ്വീപ് ഘടകം ആദരം നൽകി.

പൂർണ്ണമായിട്ടുള്ള കാഴ്ചപരിമിതികളെ മറികടന്ന് കാലിക്കറ്റ്  സർവകലാശാല യിൽനിന്നും ബിഎ ഹിസ്റ്ററിക്ക് ഉന്നത വിജയം നേടിയ സബീനയെ വീട്ടിലെത്തിയാണ് നേതാക്കൾ അനുമോദിച്ചത്. പാർട്ടി പ്രസിഡന്റ് സബീനയെ ആദരിക്കുകയും ക്യാഷ് അവാർഡും നൽകി.

ബിജെപി ലക്ഷദ്വീപ് ഘടകം പ്രസിഡന്റ് കെ.എൻ. കാസിമി കോയാ സാർ, സെക്രട്ടറി അഡ്വക്കേറ്റ് മുഹമ്മദ് സാലിഹ് പി.എം., അമിനി ജില്ലാ കമ്മിറ്റി പ്രസിഡന്റ് ടി.പി. ഖാലിദ്, ലക്ഷദ്വീപ് ബിജെപി സ്റ്റേറ്റ് കമ്മിറ്റി മെമ്പർ പി.വി ഖാലിദ് എന്നിവർ ചടങ്ങിൽ പങ്കെടുത്തു. സബീനയുടെ നിശ്ചയദാർഢ്യം മറ്റുള്ളവർക്ക് പ്രചോദനമാണെന്ന് നേതാക്കൾ പറഞ്ഞു.

വിദ്യാഭ്യാസ രംഗത്ത് കൂടുതൽ ഉയരങ്ങൾ കീഴടക്കാൻ സബീനയ്ക്ക് കഴിയട്ടെ എന്നും അവർ ആശംസിച്ചു. സബീനക്ക് പിന്തുന്ന കൊടുത്തു കൊണ്ട് ഈ വിജയം കരസ്ഥമാക്കാൻ സഹായിച്ച മാതാപിതകളായ പീഞ്ചണ്ടം ഖാലിദ് തട്ടിനകൽ സാറോമ്മാ എന്നിവരെ നേതാക്കൾ പ്രത്യേകം അഭിനന്ദിച്ചു.

ഈ അവാർഡ് തന്റെ തുടർപഠനത്തിന് വലിയ സഹായമാകുമെന്ന് സബീന പറഞ്ഞു. ലക്ഷദ്വീപ് ബിജെപി ഘടകത്തിന്റെ ഈ പിന്തുണയ്ക്ക് അവർ നന്ദി അറിയിക്കുകയും ചെയ്തു