തൃശൂർ ; സിപിഎം നേതാക്കൾ കോടികളുടെ ആസ്തി സമ്പാദിച്ചെന്നാരോപിക്കുന്ന ഡിവൈഎഫ്ഐ ജില്ലാ സെക്രട്ടറിയുടെ സംഭാഷണ ശബ്ദരേഖ വിവാദമായതിനു പിന്നാലെ അഴിമതിയാരോപണങ്ങളും പാർട്ടിക്കു തലവേദനയാകുന്നു.
നിബിൻ എം.വി.ഗോവിന്ദന് നൽകിയ കത്തിലെ പ്രധാന ആരോപണങ്ങൾ: ∙ നടത്തറ പഞ്ചായത്ത് പരിധിയിലെ കാർഷിക–കാർഷികേതര തൊഴിലാളി സഹകരണ സംഘത്തിൽ 12 കോടിയോളം രൂപ കാണാനില്ല. പണയമായി വാങ്ങുന്ന സ്വർണം ഇവിടെനിന്നു കടത്തി മറ്റ് ബാങ്കുകളിലേക്ക് മാറ്റി പണയം വയ്ക്കുന്നത് തുടരുകയാണ്.
സിപിഎം മണ്ണുത്തി ഏരിയ സെക്രട്ടറിയും ജില്ലാ കമ്മിറ്റി അംഗവുമായ എം.എസ്.പ്രദീപ്കുമാർ പ്രസിഡന്റായിരിക്കെ കൊഴുക്കുള്ളി കൺസ്യൂമർ സഹകരണ സംഘം നടപടിക്രമമൊന്നും പാലിക്കാതെ 27 ആധാരങ്ങൾ വെറുതേ വാങ്ങി വായ്പ കൊടുത്തു. ചെക്ക്, സ്റ്റാംപ് ഒട്ടിച്ച വെള്ളക്കടലാസ്, ആധാരത്തിന്റെ കോപ്പി എന്നിവ ഈടായി വാങ്ങിയും ഇഷ്ടക്കാരായ ചിലർക്ക് വേണ്ടി 52 ലക്ഷം രൂപ ഈടില്ലാതെയും വായ്പയായി നൽകി.
സാമ്പത്തിക ഭദ്രതയില്ലാത്ത പൂച്ചട്ടിയിലെ റബർ ടാപ്പിങ് സഹകരണ സംഘം മറ്റ് സംഘങ്ങളിൽനിന്നു പണം വാങ്ങി 97 ലക്ഷം രൂപയ്ക്കു സ്ഥലം വാങ്ങി. രേഖകൾ ഇല്ലാതെ ഇഷ്ടക്കാർക്ക് വായ്പയും നൽകി. ഈ സംഘവും ഇപ്പോൾ പ്രതിസന്ധിയിലാണ്.അയ്യപ്പൻകാവ് കാർഷിക–കാർഷികേതര സഹകരണ സംഘത്തിന്റെ പ്രസിഡന്റ് തന്നെ ഫോട്ടോസ്റ്റാറ്റ് ആധാരം വച്ച് 10 ലക്ഷം രൂപയുടെ കുറി വിളിച്ചെടുത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.