മാനസികാരോഗ്യത്തെ കുറിച്ചുള്ള ചര്‍ച്ചകള്‍ സജീവമായതോടെ ഒപ്പം പ്രചാരം ലഭിച്ച ഒന്നാണ് മെഡിറ്റേഷന്‍.എന്താണ് മെഡിറ്റേഷന്‍? മെഡിറ്റേഷനിലൂടെ നിങ്ങളുടെ എല്ലാ പ്രശ്‌നങ്ങളും പരിഹരിക്കപ്പെടുമോ? മെഡിറ്റേഷനെക്കുറിച്ച് പലര്‍ക്കുമുള്ള ചില പ്രധാന തെറ്റിദ്ധാരണകള്‍ എന്തൊക്കെയാണെന്ന് നോക്കാം.
.jfif)
മെഡിറ്റേഷന്‍ എല്ലാ പ്രശ്‌നങ്ങളും പരിഹരിക്കും: തീര്‍ത്തും തെറ്റായ ധാരണയാണിത്. മെഡിറ്റേഷന്‍ നിങ്ങളുടെ മാനസികവും ശാരീരികവുമായ ആരോഗ്യത്തെ മെച്ചപ്പെടുത്തുമെങ്കിലും അത് എല്ലാ പ്രശ്‌നങ്ങള്‍ക്കുമുള്ള ഒറ്റമൂലിയല്ല. മാനസികാവസ്ഥ മെഡിറ്റേഷനിലൂടെ മെച്ചപ്പെടുത്താം. പക്ഷേ, പ്രശ്‌നങ്ങള്‍ക്ക് പരിഹാരം കാണേണ്ടത് നിങ്ങളാണ്.
മെഡിറ്റേഷന്‍ ചെയ്യാന്‍ പ്രത്യേക കഴിവ് വേണോ? ആര്‍ക്കും ഏത് പ്രായത്തിലും ചെയ്യാവുന്ന പരിശീലനമാണ് മെഡിറ്റേഷന്‍. ഇതിന് പ്രത്യേക കഴിവുകളൊന്നും വേണ്ട. യോഗ പരിശീലനവും വേണ്ട. ലളിതമായ ശ്വാസമെടുക്കലില്‍ ശ്രദ്ധ കേന്ദ്രീകരിച്ച് ആര്‍ക്കും തുടങ്ങാം.
ചിന്തകളില്ലാത്ത അവസ്ഥയാണോ മെഡിറ്റേഷന്‍? ഇതും തെറ്റിദ്ധാരണയാണ്. ചിന്തകള്‍ വരുന്നത് സ്വാഭാവികമാണ്. അവയെ തടയാന്‍ ശ്രമിക്കുന്നതിനു പകരം ചിന്തകളെ തിരിച്ചറിയാനും വിട്ടുകളയാനും പരിശീലിക്കുന്നതാണ് മെഡിറ്റേഷന്റെ ലക്ഷ്യം.
മതപരമായ ചടങ്ങാണോ? മതപരമായ ബന്ധമുണ്ടെങ്കിലും മെഡിറ്റേഷന്‍ ആത്മീയ പരിശീലനമോ ആചാരമോ അല്ല. ശാസ്ത്രീയമായി തെളിയിക്കപ്പെട്ട മാനസികാരോഗ്യ പരിശീലനമാണിത്.
മെഡിറ്റേഷന്‍ ബുദ്ധിമുട്ടുള്ള കാര്യമാണോ? തുടക്കത്തില്‍ എല്ലാം ബുദ്ധിമുട്ടുള്ളതു പോലെ മെഡിറ്റേഷനും തോന്നാം. മനസ്സ് ഏകാഗ്രമാക്കാന്‍ ശ്രമിക്കുമ്പോള്‍ ചിന്തകള്‍ ചിതറിപ്പോകുന്നത് സ്വാഭാവികമാണ്. പക്ഷേ, പരിശീലനത്തിലൂടെ മനസ് നിങ്ങളുടെ കൈപ്പിടിയില്‍ നിര്‍ത്താം. ദിവസം 5 മിനിറ്റ് മാറ്റിവെച്ചാല്‍ വലിയ മാറ്റങ്ങള്‍ ഉണ്ടാക്കാന്‍ കഴിയും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.