ഹിമാചൽ പ്രദേശിലെ ചമ്പയിൽ രാമലീല അവതരണത്തിനിടെ പ്രശസ്ത കലാകാരൻ അംരീഷ് കുമാർ വേദിയിൽ കുഴഞ്ഞുവീണ് മരിച്ചു.

 ചമ്പയിലെ രാമലീല ആഘോഷങ്ങൾക്കിടെ കഴിഞ്ഞ ചൊവ്വാഴ്ചയാണ് ദുരന്തം നടന്നത്.

അമ്പത് വർഷത്തിലേറെയായി രാമലീലയിൽ സജീവമായിരുന്ന അംരീഷ് കുമാർ, ദശരഥന്റെ സംഭാഷണം ആരംഭിക്കുന്നതിന് തൊട്ടുമുമ്പ് കുഴഞ്ഞുവീഴുകയായിരുന്നു. ഉടൻതന്നെ നാടകം നിർത്തി, അംരീഷ് കുമാറിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഡോക്ടർമാർ മരണം സ്ഥിരീകരിച്ചു.

A man playing the role of King Dashrath collapsed and died on stage during the Ramleela in Chamba district of Himachal Pradesh. pic.twitter.com/6bThTX2LIk

— Piyush Rai (@Benarasiyaa) September 24, 2025

ദശരഥൻ, രാവണൻ തുടങ്ങിയ കഥാപാത്രങ്ങളെ അംരീഷ് കുമാർ അവിസ്മരണീയമാക്കിയതായി ചമ്പയിലെ രാമലീല ക്ലബ്ബ് അംഗം സുദേഷ് മഹാജൻ പറഞ്ഞു. "അംരീഷ് ജി വെറുമൊരു നടനായിരുന്നില്ല, ചമ്പയിലെ രാമലീലയുടെ ആത്മാവായിരുന്നു അദ്ദേഹം. അദ്ദേഹത്തിന്റെ അഭിനിവേശവും അർപ്പണബോധവും ഒരുപാട് തലമുറകൾക്ക് പ്രചോദനമായിരുന്നു. അദ്ദേഹത്തിന്റെ ആത്മാവിന് നിത്യശാന്തി നേരുന്നു," സുദേഷ് മഹാജൻ പറഞ്ഞു.

അംരീഷ് കുമാറിനോടുള്ള ആദരസൂചകമായി, രാമലീല ക്ലബ്ബ് തുടർന്നു നടക്കാനിരുന്ന എല്ലാ പരിപാടികളും നിർത്തിവെച്ചു.