നേമം: ഉത്തരാഖണ്ഡിലെ ദെഹ്റാദൂൺ ഇന്ത്യൻ മിലിട്ടറി അക്കാദമിയിൽ പരിശീലനത്തിനിടെ മരണപ്പെട്ട ഓഫീസർ കെഡേറ്റ് എസ്.ബാലുവിന് നാടിന്റെ അന്ത്യാഞ്ജലി. നേമം വെള്ളായണി സ്റ്റുഡിയോ റോഡ് കണ്ടമത്ത് വീട്ടിൽ പരേതനായ ശെൽവരാജിന്റെയും സരോജത്തിന്റെയും മകൻ എസ്.ബാലുവിന്റെ മൃതദേഹമാണ് ശനിയാഴ്ച രാവിലെ പൊതുദർശനത്തിനായി വീട്ടിൽ കൊണ്ടുവന്നത്.
ദെഹ്റാദൂണിലെ സൈനിക അക്കാദമിയിൽ പരിശീലനത്തിനിടെ മലയാളി സൈനികൻ എസ്. ബാലു മരിച്ചതിൽ ഉന്നതതല അന്വേഷണം ആരംഭിച്ചു. ആർമി കേഡറ്റ് കോളേജ് വഴി സ്പെഷ്യൽ കമ്മിഷൻഡ് ഓഫീസറായി സെലക്ഷൻ ലഭിച്ച ബാലു അക്കാദമിയിൽ പരിശീലനം നടത്തിവരുകയായിരുന്നു. നീന്തൽ പരിശീലനത്തിനിടെ വെള്ളത്തിൽ മുങ്ങിത്താഴ്ന്നാണ് ബാലു മരിച്ചത്. പരിശീലനത്തിനിടെ മുൻപ് 2017-ലും 2019-ലും സൈനികർ മരിച്ച സംഭവങ്ങ ളുണ്ടായിട്ടുണ്ട്.
ബാലുവിന്റെ മൃതദേഹം വീട്ടുമുറ്റത്ത് ദേശീയപതാക പുതപ്പിച്ചു കിടത്തിയപ്പോൾ, മകനെ അവസാനമായി കാണാനെത്തിയ അമ്മ സരോജം വന്ദേമാതരം വിളിച്ചു. രാജ്യത്തിന്റെ കാവൽക്കാരനാകാൻ പോയതല്ലേ മകനേ നീ എന്നു പറഞ്ഞ് പൊട്ടിക്കരഞ്ഞ അമ്മ ബാലുവിന് അന്ത്യചുംബനം നൽകി. അവസാനമായി മകൻ വിളിച്ചപ്പോൾ, പുതുതായി വെക്കുന്ന വീടിന്റെ പ്രവേശനച്ചടങ്ങിന് ആരെയല്ലാം വിളിക്കണമെന്ന കാര്യവും സംസാരിച്ചിരുന്നതായി അമ്മ പറഞ്ഞു. രാജ്യസേവനത്തിനിടെ മരണപ്പെട്ട ഭർത്താവിന്റെ മൃതദേഹത്തിനു മുന്നിൽ സങ്കടമടക്കിപ്പിടിച്ചു നിന്ന ഭാര്യ അർഷിതയും അച്ഛനെ അവസാനമായി തൊട്ട മക്കളായ ആദിയും അയാനും നൊമ്പരക്കാഴ്ചയായി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.