പൊലീസിന് നേരെ ഗുണ്ട സംഘത്തിന്റെ ആക്രമണം; രണ്ടു പേർ അറസ്റ്റിൽ

തിരുവനന്തപുരം: തിരുവനന്തപുരം നഗരൂരിൽ പൊലീസിന് നേരെ ഗുണ്ട സംഘത്തിന്റെ ആക്രമണം.

രണ്ടു പേർ അറസ്റ്റിൽ. നാലു വയസ്സുള്ള കുട്ടിയെ തട്ടിക്കൊണ്ടു പോകാൻ ശ്രമിക്കുന്നതിനിടെ, സ്ഥലത്തെത്തിയ എസ്ഐക്കും സംഘത്തിനും നേരെയായിരുന്നു ആക്രമണം. സംഭവത്തിൽ കല്ലമ്പലം സ്വദേശികളായ ബൈജു (45) ആദേശ് (45) എന്നിവരാണ് പിടിയിലായത്. ജീപ്പിൽ കൊണ്ടുപോകുന്നതിനിടയിലും സംഘം പൊലീസുകാരെ ആക്രമിച്ചു.

നിരവധി സ്റ്റേഷനുകളിൽ ഇവർക്കെതിരെ കേസുകൾ നിലവിലുണ്ട്. ഇരുവരും ലഹരി ഉപയോഗിച്ചിരുന്നതായും പൊലീസ് പറയുന്നു. ആറ്റിങ്ങൽ ജംഗ്ഷനിൽ വെച്ച് നാല് വയസുകാരിയെ തട്ടിക്കൊണ്ടു പോകാൻ ശ്രമം നടത്തിയത്. നാട്ടുകാർ നൽകിയ വിവരത്തിന്റെ അടിസ്ഥാനത്തിലാണ് എസ്‌ഐയും സംഘവും സ്ഥലത്തെത്തുന്നത്. ഇതിനിടെയാണ് പൊലീസിനെയും സംഘം ആക്രമിച്ചത്.

അറസ്റ്റ് ചെയ്ത് കൊണ്ടുപോകുന്നതിനിടെയാണ് ജീപ്പിൽ വെച്ച് ആക്രമണം ഉണ്ടായത്. ആയുധം കൊണ്ട് പ്രതികൾ സ്വയം മുറിവുണ്ടാക്കിയതായും പൊലീസ് പറയുന്നു. വൈദ്യപരിശോധനയ്ക്ക് എത്തിച്ചപ്പോൾ പ്രതികൾ ആശുപത്രി ജീവനക്കാർക്ക് നേരെയും ആക്രമണം അഴിച്ചുവിട്ടു. നിലവിൽ ഇരുവരും പൊലീസ് കസ്റ്റ്ഡിയിലാണ്.