തിരുവനന്തപുരം: വിവിധ കോടതികളുടെ ജാമ്യ വ്യവസ്ഥകള്‍ ലംഘിച്ച് യൂട്യൂബര്‍ ഷാജന്‍ സ്‌കറിയ.
കോണ്‍ഗ്രസ് പ്രവര്‍ത്തകയുടെ പരാതിയില്‍ ഒരു കേസ് കൂടി രജിസ്റ്റര്‍ ചെയ്തതോടെ ജാമ്യ വ്യവസ്ഥയുടെ ലംഘനം തുടരുകയാണ്. മറ്റ് കുറ്റകൃത്യങ്ങളില്‍ പ്രതിയാകാന്‍ പാടില്ല എന്ന ജാമ്യവ്യവസ്ഥ ഷാജനെതിരെ നിലനില്‍ക്കുന്നുണ്ട്. സ്ത്രീത്വത്തെ അപമാനിച്ചുവെന്ന കൊച്ചിയിലെ കോൺഗ്രസ് പ്രവർത്തകയുടെ പരാതിയിലായിരുന്നു കഴിഞ്ഞ ദിവസം ഷാജൻ സ്കറിയയെ അറസ്റ്റ് ചെയ്തത്.
നേരത്തെയും സമാനമായ പരാതിയിൽ സൈബര്‍ പൊലീസ് ഷാജന്‍ സ്കറിയയെ വീട്ടിലെത്തി അറസ്റ്റ് ചെയ്തതിരുന്നു. യൂട്യൂബ് വീഡിയോയിലൂടെ സ്ത്രീത്വത്തെ അപമാനിച്ചെന്ന പരാതിയിലായിരുന്നു ഷാജന്‍ സ്‌കറിയക്കെതിരെ കഴിഞ്ഞ ദിവസം ഹില്‍പാലസ് പൊലീസ് കേസെടുത്തത്. ഭാരതീയ ന്യായ സംഹിത 79, 75(3), 3(5) എന്നീ വകുപ്പുകളും ഐടി ആക്ട് 67 വകുപ്പുകള്‍ ഷാജന്‍ സ്‌കറിയക്കെതിരെ ചുമത്തിയിട്ടുണ്ട്.
മാഹി സ്വദേശിയുടെ പരാതിയിലായിരുന്നു നേരത്തെ സമാനമായ കേസ് എടുത്തത്. കളവും കെട്ടിച്ചമച്ചതുമായ ആരോപണങ്ങള്‍ സംപ്രേഷണം ചെയ്ത് സമൂഹത്തിന് മുന്നില്‍ മോശം സ്ത്രീയായി ചിത്രീകരിച്ചെന്നും തന്റെ സ്ത്രീത്വത്തെ അപമാനിച്ചെന്നും പരാതിയില്‍ പറയുന്നു. വീഡിയോ സമൂഹത്തിലും ബന്ധുക്കളുടെ ഇടയിലും ജോലി സ്ഥലത്തും തനിക്ക് അവമതിപ്പ് ഉണ്ടാക്കിയെന്നും പരാതിയില്‍ പറയുന്നു.
തുടര്‍ന്ന് തിരുവനന്തപുരം സിറ്റി സൈബര്‍ പൊലീസ് വീട്ടിലെത്തി അറസ്റ്റ് ചെയ്യുകയായിരുന്നു. ബിഎന്‍എസ് 75(1)(4), ഐടി ആക്ട് 67, കെപിഎ ആക്ട് 120 എന്നീ വകുപ്പുകള്‍ ചുമത്തിയായിരുന്നു കേസ്. ജാമ്യ വ്യവസ്ഥ ലംഘിക്കുന്ന നിലയിലാണ് സ്‌കറിയ പ്രവർത്തിക്കുന്നത് എന്ന് വ്യക്തമാക്കുന്നതാണ് ഈ കേസുകൾ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.