തിരുവനന്തപുരം : കെ സ്മാര്‍ട്ട് പോര്‍ട്ടല്‍ മുഖേന ലഭ്യമാക്കുന്ന സേവനങ്ങള്‍ക്കായി അക്ഷയ കേന്ദ്രങ്ങളില്‍ ഫീസ് ഏര്‍പ്പെടുത്തി ഇരുട്ടടി നല്‍കി സര്‍ക്കാര്‍. ഇലക്‌ട്രോണിക്‌സ്, വിവര സാങ്കേതിക വകുപ്പാണ് നിരക്ക് നിശ്ചയിച്ച് ഉത്തരവിറക്കിയിരിക്കുന്നത്.
അപേക്ഷാ ഫീസിനു പുറമേയാണ് അക്ഷയ കേന്ദ്രങ്ങള്‍ക്കുള്ള സര്‍വീസ് ചാര്‍ജ് നിശ്ചയിച്ചിരിക്കുന്നത്. പരാതി നല്‍കാന്‍ പോലും ഇനി 30 രൂപ സര്‍വീസ് ചാര്‍ജ് നല്‍കേണ്ടിവരും. തദ്ദേശ സ്വയംഭരണ സ്ഥാപനങ്ങള്‍ വഴിയുള്ള മുഴുവന്‍ സേവനങ്ങളും ഓണ്‍ലൈനായി ലഭ്യമാക്കുന്നതു ലക്ഷ്യമിട്ടാണ് സര്‍ക്കാര്‍ കെ സ്മാര്‍ട്ട് പദ്ധതി രൂപകല്‍പന ചെയ്തത്.
∙ നിരക്കുകൾ ഇങ്ങനെ:
ജനന, മരണ റജിസ്‌ട്രേഷന്‍ - 40 രൂപ, ജനന മരണ റജിസ്‌ട്രേഷനുകളിലെ തിരുത്തലുകള്‍ -50, വിവാഹ റജിസ്‌ട്രേഷന്‍ പൊതുവിഭാഗത്തിന് 70 രൂപ + പ്രിന്റിംഗ്/സ്‌കാനിംഗ് (പേജ് ഒന്നിന് 3 രൂപ), എസ് സി, എസ്ടി വിഭാഗത്തിന് പ്രിന്റിംഗ്/സ്‌കാനിംഗ് ഉള്‍പ്പെടെ 50 രൂപ. വിവാഹ റജിസ്‌ട്രേഷനിലെ തിരുത്തലുകള്‍-60 രൂപ. ലൈസന്‍സ് അപേക്ഷ, തിരുത്തലുകള്‍ - 40, പരാതികള്‍-30, സര്‍ട്ടിഫിക്കറ്റുകള്‍/അറിയിപ്പുകള്‍ ഡൗണ്‍ലോഡ് ചെയ്തു നല്‍കല്‍(ഒരു പേജിന്) - 10, നികുതികള്‍, ഫീസുകള്‍ അടച്ചുനല്‍കല്‍ (അപേക്ഷകളോടൊപ്പമല്ലാതെയുള്ളവ) - കുറഞ്ഞത് 10 രൂപ. പരമാവധി 100 രൂപ. 1000 രൂപ വരെയുളള തുകയ്ക്ക് 10 രൂപ 1001 മുതല്‍ 5000 രൂപ വരെയുള്ള തുകയ്ക്ക് 20 രൂപ. 5000 രൂപയ്ക്കു മുകളിലുള്ളതിന് തുകയുടെ 0.5 ശതമാനം അല്ലെങ്കില്‍ 100 രൂപ (ഏതാണോ കുറഞ്ഞത്). ഉടമസ്ഥാവകാശം മാറ്റല്‍ - 50, ബിപിഎല്‍ സര്‍ട്ടിഫിക്കറ്റിനുള്ള അപേക്ഷ- 10, മറ്റ് അപേക്ഷകള്‍ 20 എന്നിങ്ങനെയാണ് സര്‍വീസ് ചാര്‍ജ് നിശ്ചയിച്ചിരിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.