വടകര: റോഡരികില്‍ ഉപേക്ഷിച്ചനിലയില്‍ മയക്കുമരുന്ന് കണ്ടെടുത്തു. ആയഞ്ചേരി വള്യാട് ഞാലിമുക്കിലെ ഇലക്ട്രിക് പോസ്റ്റിന് സമീപത്തുനിന്നാണ് 95 ഗ്രാം മെത്തഫിറ്റമിന്‍ പൊതിഞ്ഞുകെട്ടിയ നിലയില്‍ കണ്ടെത്തിയത്. ബൈക്കിലെത്തിയ ഒരാളാണ് ഇവിടെ മയക്കുമരുന്ന് പൊതി വലിച്ചെറിഞ്ഞതെന്നാണ് വിവരം.
ബൈക്കിലെത്തിയ ആള്‍ പൊതി വലിച്ചെറിഞ്ഞശേഷം മൊബൈല്‍ഫോണില്‍ ഫോട്ടോ എടുത്ത് മടങ്ങുന്നത് നാട്ടുകാരില്‍ ഒരാളുടെ ശ്രദ്ധയില്‍പ്പെട്ടിരുന്നു. ഇദ്ദേഹം വടകര എക്‌സൈസിനെ വിവരമറിയിച്ചു. തുടര്‍ന്ന് എക്‌സൈസ് സംഘം നടത്തിയ പരിശോധനയിലാണ് പൊതിയില്‍ മയക്കുമരുന്ന് കണ്ടെത്തിയത്.
മറ്റാര്‍ക്കോ കൈമാറാനായാണ് ബൈക്ക് യാത്രക്കാരന്‍ മയക്കുമരുന്ന് ഇലക്ട്രിക് പോസ്റ്റിന്റെ ചുവടെ വലിച്ചെറിഞ്ഞതെന്നാണ് കരുതുന്നത്. ഇതിനുപിന്നാലെ ഒരു കാര്‍ സ്ഥലത്തെത്തിയെങ്കിലും നിര്‍ത്താതെ പോയി. സംഭവത്തില്‍ എക്‌സൈസ് കേസെടുത്ത് അന്വേഷണം ആരംഭിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.