കേരളത്തിൽനിന്ന് ​ഗൾഫ് മേഖലകളിലേക്കുളള ടിക്കറ്റ് നിരക്ക് കുത്തനെ ഉയർത്തി വിമാനക്കമ്പനികൾ

കോഴിക്കോട്: കേരളത്തിൽനിന്ന് ​ഗൾഫ് മേഖലകളിലേക്കുളള ടിക്കറ്റ് നിരക്ക് കുത്തനെ ഉയർത്തി വിമാനക്കമ്പനികൾ. മദ്ധ്യവേനൽ അവധിക്ക് ശേഷം സെപ്തംബർ ആദ്യവാരം സ്കൂളുകൾ തുറക്കുന്നതോടെ, അവധിക്ക് നാട്ടിലെത്തിയവർ സെപ്തംബ‍ർ പകുതിയോടെ ​തിരിച്ചെത്തുമെന്നത് മുന്നിൽക്കണ്ടാണ് ടിക്കറ്റ് നിരക്ക് കുത്തനെ കൂട്ടിയത്.

ഈമാസം ​ഗൾഫ് സെക്ടറിലേക്കുള്ള യാത്രയ്ക്ക് ടിക്കറ്റിന് മൂന്നിരട്ടിയോളം തുക നൽകണം. ആ​ഗസ്റ്റ് അവസാനമാണ് ഏറ്റവും കൂടിയ നിരക്ക്. പുറപ്പെടുന്ന സമയം നോൺ സ്റ്റോപ്പ് സർവീസ് എന്നിവ അനുസരിച്ച് തുക ഉയരും. കേരളത്തിൽനിന്ന് നാലം​ഗ കുടുബത്തിന് ദുബായിൽ എത്താൻ ഒന്നര ലക്ഷത്തിലധികം രൂപ വേണ്ട സ്ഥിതിയാണ് ഇപ്പോളുള്ളത്. വിവിധ മേഖലകളിലേക്ക് 6000 രൂപ മുതൽ 16000 രൂപവരെ ടിക്കറ്റ് നിരക്ക് ഉണ്ടായിരുന്നിടത്താണ് ടിക്കറ്റ് നിരക്ക് ഈവിധത്തിൽ കൂടിയത്.

ഓ​ഗസ്റ്റ് 15 മുതൽ 25 വരെ കേരളത്തിൽനിന്നുള്ള ടിക്കറ്റ് നിരക്ക് കരിപ്പൂർ - ദുബായ് - 35000 - 48000 നെടുമ്പാശ്ശേരി - ദുബായ് - 39000 - 48000 തിരുവനന്തപുരം - ദുബായ് - 41000 - 58000 കണ്ണൂർ - ദുബായ് 32000 -38000 കരിപ്പൂർ - മസ്കറ്റ് - 21000 - 25000 നെടുമ്പാശ്ശേരി - മസ്കറ്റ് - 23000-28000 തിരുവനന്തപുരം - മസ്കറ്റ് - 23000-28000 കണ്ണൂർ - മസ്കറ്റ്- 20000 -25000 കരിപ്പൂർ - ജിദ്ദ - 48000 - 60000 നെടുമ്പാശ്ശേരി - ജിദ്ദ - 33000-45000 തിരുവനന്തപുരം - ജിദ്ദ - 40000-60000 കണ്ണൂർ - ജിദ്ദ - 40000-60000 കരിപ്പൂർ - റിയാദ് - 38000 - 50000 നെടുമ്പാശ്ശേരി - റിയാദ് - 40000-50000 തിരുവനന്തപുരം - റിയാദ് - 38000-46000 കണ്ണൂർ - റിയാദ് - 40000-45000 കരിപ്പൂർ - ബഹറിൻ - 21000 - 38000 നെടുമ്പാശ്ശേരി - ബഹറിൻ - 25000-33000 തിരുവനന്തപുരം - ബഹറിൻ - 30000-38000 കണ്ണൂർ - ബഹറിൻ - 25000-33000 കരിപ്പൂർ - കുവൈറ്റ് - 30000 - 39000 നെടുമ്പാശ്ശേരി - കുവൈറ്റ് - 35000-43000 തിരുവനന്തപുരം - കുവൈറ്റ് - 40000-48000 കണ്ണൂർ - കുവൈറ്റ് - 35000-45000