പൂച്ചാക്കൽ: അനധികൃതമായി വീട്ടിൽ മദ്യം സംഭരിച്ചു വിൽപ്പന നടത്തിയയാളെ കുത്തിയതോട് എക്സൈസ് സംഘം പിടികൂടി. പെരുമ്പളം പഞ്ചായത്ത് ആറാം വാർഡ് തോപ്പുവെളിയിൽ പുഷ്പാംഗദൻ (53) ആണ് പിടിയിലായത്.
ഇയാളുടെ വീട്ടിൽനിന്നും വിൽപ്പനയ്ക്കായി സൂക്ഷിച്ച പതിനെട്ട് കുപ്പി വിദേശ മദ്യം കണ്ടെടുത്തു. രഹസ്യ വിവരത്തിൻറെ അടിസ്ഥാനത്തിലായിരുന്നു പരിശോധന. കുത്തിയതോട് എക്സൈസ് റേഞ്ചിലെ ഗ്രേഡ് അസി. ഇൻസ്പെക്ടർ സബിനേഷ് ജിത്തിൻറെ നേതൃത്വത്തിലായിരുന്നു പരിശോധന നടത്തിയത്.
ചേർത്തല മജിസ്ട്രേറ്റ് കോടതി മുമ്പാകെ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു. ഗ്രേഡ് പ്രിവൻറീവ് ഓഫീസർ എസ്. സന്തോഷ്, സിവിൽ എക്സൈസ് ഓഫീസർമാരായ റോസമ്മാ തോമസ്, വി. കെ. വിപിൻ, പി. ജി. ബിപിൻ, എസ്. എൻ. സന്തോഷ് എന്നിവർ എക്സൈസ് സംഘത്തിലുണ്ടായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.